Zekaria 9 - Ebibulia 2001

Okuramurwa kw'amahanga agataine Yerusalemu

¹ Eki kigambo eky'Omukama yagambire aha nsi ya Hadiraki n'aha kigo kya Damasiko: Ebigo bya Aramu biba bya wenene, nangu n'enganda zona za Isiraeli.

² Kwakwo n'ekigo kya Hamati ekilikwatana enganda ezo za Isiraeli; hamoi na Tiro na Sidoni n'orwo bili bigo by'abamanyi muno, nabyo bye.

³ Aba Tiro bombekire ekigo kigumire, efeza bagituuma nk'eitaka, n'ezahabu bagituuma nk'ehwangaija y'omu mbarabara z'ekigo.

⁴ Kyonkai wewe! Omukama aligikununtura eitunga lyayo, alijugunye omu nyanja, na Tiro yonene erambwe omuliro.

⁵ Ashikeloni k'elibona byaba bityo elitina; Gaza kutyo, eligwa enshazi; Ekironi kwakwo, kuba eby'eyesiga biligifera bushai. Gaza eliburwa omukama, Ashikeloni telibona ba kugituramu.

⁶ Ashidodi eliturwa abachotara; kandi ensi ya Filisitia ndigimara eikuru.

⁷ Ndibalekeza okulya enyama ekyaina obwamba, n'emiziro baliba batakigilya. Ensigalira zona ziliba ihanga limoi n'abantu bange, balishusha oruganda rwa Yuda. Aba Ekironi nabo baliba ihanga limoi n'abantu bange nk'okwo Abayebusi bagizire.

⁸ Ahanyuma ndisisira omu nsi yange kugilinda, Amahe galiba gatakigiturukirana, kandi taliho mubisha alishuba kubabonesa naku. Naboine okwo abantu bange bashasire muno.

Omukama w'obukiro obulija

⁹ Mushemelerwe muno inywe aba Sioni! Tera empundwi inywe aba Yerusalemu! Leba, omukama wanyu yaija; asingire endashana nayeshanda, mwetohya akuubire endogobe, endogobe nto, omwana gwayo.

¹⁰ Efuraimu ninyija kugimaramu amagali, na Yerusalemu ngimaremu efarasi z'endashana, amata g'endashana nago ngachwemu. Omukama ogwo aliragira amahanga kugira emilembe; kandi engomaye elyema aha nyanja eturuke aha nyanja; elibandiza aha Mwiga gwa Efurati egobe mbali ensi elikulekelera.

Abantu ba Ruhanga baligaruka omu nsi yabo

¹¹ Omukama nagamba ati, Aha rw'enshonga y'endagano yange eyo nakozire nainywe, tukagimamisa obwamba bw'ebitambo, nditaishura ab'eihanga lyanyu abali omu buzahe, mbaihye omu kina kitaina maizi.

¹² Inywe bazahe abagizire eshubi, mugaruke omu kigo kyanyu ekigumire. Kir'eki ngambe bugamba okwo ndibagarulira bibili bibili aha mwanya gwa buli kimo ekyafire.

¹³ Ahakuba Yuda buta bwange obwo ndeegire, kandi Efuraimu ngihindure mwambi gwabwo. Inywe bantu ba Sioni, ndibachokeza Abagiriki, mbahindure mbanda y'omwisherukale.

¹⁴ Ahanyuma Omukama alyema omw'iguru abonekere abantube, omwambigwe gusoke nk'orurabyo. Ruhanga Omukama alitera enzamba, atabare alesirwe omu buzimu bwa kasi.

¹⁵ Omukama w'amahe alilinda abantube, baite ab'ebihubeezo babajungilire omw'itaka. Balibanywa obwamba nk'okw'obona edivai, balibwiguta nk'okwo bwijura epakuli, bubajobye okw'obwamba bw'ebitambo bujobya epembe za alutare.

¹⁶ Kir'ekyo Omukama Ruhanga wabo alirokora abantube, kuba baba buhyobwe bw'entaama; nk'okwo obona amabare g'eiguzi omu rukinga nikwo balyengelera omu nsiye.

¹⁷ Elishemer'etai ensi egyo elinur'etai! Abasigazi balilya engano banyete, n'abaisiki banywe edivai y'omutagata bageije.