Zefania 1 - Ebibulia 2001

Ekiro ky'Omukama eky'eiramu

¹ Omu makiro g'omukama Yosia mutabani wa Amoni, Omukama akagambira Zefania eya Kushi, Kushi eya Gedalia, Gedalia eya Amaria, Amaria eya Hezekia, ati,

² “Ndimaliraho kimoi buli kantu omu nsi,

³ malireho kimoi omuntu n'enyamaishwa, n'ebinyonyi n'enfuru z'enyanja. Ndisilikya ababi; ndimaraho abantu bona omu nsi.

⁴ Ndibonabonyia Abayuda, n'abataka bona ba Yerusalemu. Ndimaraho abafukamira Baali omu nsi egyo, n'abakuhani abafukamira ebihuuku tibalijukwa.

⁵ Nyite abantu abakuba aha nshwi z'enju, bakabandamira enyanyinyi z'aha iguru, ababandama bakanahilira Omukama, abanahira obuso bwa Milikomu

⁶ Abashengire Omukama, Abataitanira Mukama anga kumwehanuzaho.”

⁷ Mwesize omu maisho g'Omukama Ruhanga! Kuba ekiro ky'Omukama kili haihi. Omukama yatekatekire kutamba eihangalye, yaraliize n'ababisha ab'okunyaga abantu abo.

⁸ Omukama nagamba ati, aha kiro eky'ekitambo ky'Omukama: “Ndabaabonabonyia abaramata n'abana b'omukama, na bona abakwata emichwo y'abanyamahanga.

⁹ Aha kiro ekyo ndabonabonyia buli omoi, afukamira eby'abanyamahanga, abaiba bakaita n'abantu, kwijuza rwensinga ya ruhanga wabo eminyago.”

¹⁰ Omukama nagamba ati, “Aha kiro ekyo abalikulira balihulirwa bemire aha Kihigi ky'Enfuru omuli Yerusalemu, n'abalikuchura bemire aha kichweka ekihya kya Yerusalemu; n'orusharo rulihulirwa rwemire omu mabanga.

¹¹ Muchure inywe abatura omu katare, kuba abatunzi banyu balifa bona, na bona abatunda efeza balihwaho.

¹² Omu makiro ago Yerusalemu ndagihigisa etara, ndabonabonyia abalikuruura, abatekeleza bati, ‘Na kibi na kirungi Omukama taliho ky'arakora.’

¹³ Eitunga lyabo lilinyagwa, n'amaju gabo gakamburwe. N'orwo balyombeka amaju, tibaligaturamu; kabalilima bakabyara emizabibu, tibaliginywaho divai.”

¹⁴ Ekiro kibi ekyo ky'Omukama kili haihi, kili haihi mara nikija bwangu. Akahiliro k'ekiro ky'Omukama nikatinisa, nangu n'omwisherukare aliho nakunga.

¹⁵ Ekiro ky'ekiniga ni kir'ekyo, kiro ky'enaku n'amatangwa, kiro ky'okukambura Yerusalemu kugisiga amatongo, kiro ky'omwilima n'obujune, kiro ky'ekire n'omwilima lindindi.

¹⁶ Kiro ky'okutera amahembe n'orusharo rw'endashana, kusilikya ebigo by'eboma, n'okutera eminara emiraimirai.

¹⁷ Nditeza abantu enaku, bagende nk'empume, kuba bafakaliire Omukama. Baliitwa bangi muno, n'emitumbi yabo elijundira oruguru.

¹⁸ Aha kiro ky'ekiniga ky'Omukama, elikaba feza yabo anga zahabu yabo, tibilishobora kubarokora; orwo eibuba liliba lyamunigaize muno, ensi yona elihya esosotoke. Abantu bona omu nsi, alibamaraho kibandagara.