Yoshua 15 - Ebibulia 2001

Ensi eyo Yuda yagabiirwe

¹ Ebika by'oruganda rwa Yuda okwo byagabiirwe ensi bikagenda biti: Ensi yabo yagobaga rubaju orwa kasi aha rubibi rwa Edomu n'aha Irungu lya Sinai mukono ogwa kasi harai muno.

² Kandi orubibi rwabo rwa kasi rwayemaga aha nshonda y'Enyanja y'Omwonyu, ruruga n'aha kyasha ekyolekeire kasi,

³ rugendelera kugya kasi aha butemba bwa Akirabimu, ruraba Zini, rutemba kasi ya Kadeshibarinea, rugoba bwatana Hezironi, rwinugukira Adari rwezinga rugiire Karika;

⁴ ruraba Azimoni, rushohora aha Kaiga ka Misiri, rulekelera aha nyanja. Orwo nirwo rwabaga rubibi rwa Yuda orwa kasi.

⁵ Orubibi orw'oburugaizoba rukaba ruli Nyanja y'Omwonyu kugoba aha munwa gwa Yorudani. Orubibi rubaju orwa bikara rwayemaga aha kyasha ky'enyanja aha munwa gwa Yorudani,

⁶ rutemba rugoba Betihogila, ruraba rubaju orwa bikara orwa Betiaraba, rutemba rugoba aha Ibare lya Bohani mutabani wa Rubeni.

⁷ Rutemba rugoba Debiri rwemire omu Ruhanga rwa Akori. Kityo aha rubaju rwa bikara rwolekera Giligali, elebangaine n'obutemba bwa Adumimu ekigo ekili rubaju orwa kasi rw'oruhanga. Orubibi orwo niruraba aha maizi ga Enishemeshi, n'aha ndekelero ni Enirogeli.

⁸ Aho rutemba rurabire aha ruhanga rwa mutabani wa Hinomu, kasi omu ndakwakwa y'Omuyebusi orubaju rwa bumosho niyo Yerusalemu; rutembera aha katwetwe k'eibanga elyolekeraine n'Oruhanga rwa Hinomu obugwaizoba, rugoba na bikara aha ndekelero y'Oruhanga rw'Abarefai.

⁹ Aho orubibi rwema aha katwetwe k'eibanga, rugoba aha Nchuro za Nefutoa, rushuba rugoba ebigo by'Eibanga lya Efuroni, aho rugendera kimoi Baala niyo Kiriatiyearimu.

¹⁰ Orubibi ruzingora obugwaizoba bwa Baala rugoba Eibanga lya Seiri, rugendera kimoi bikara bwatana Eibanga lya Yearimu niyo Kesaloni. Rusoka rugiire Betishemeshi, niruraba bwatana Timuna.

¹¹ Rutandikira omu ndakwakwa y'eibanga rubaju orwa bikara rwa Ekironi; aho rugoba Shikuroni, rukwata aha Ibanga lya Baala, ruturukira Yabuneeli, rushuba rugoba aha mwaro gw'enyanja.

¹² Orubibi rw'orubaju orw'obugwaizoba rukaba ruli Nyanja Empango n'omwegego gwayo. Egyo niyo nsi y'oruganda rwa Yuda nk'okwo amahiga garwo gali.

Kalebu nasinga Heburoni na Debiri

¹³ Nk'okwo Omukama yabaire ahangiire Musa, ekichweka ky'ensi y'oruganda rwa Yuda Yoshua akakiha Kalebu eya Yefune. Kalebu atwara Kiriatiaraba niyo Heburoni, Araba hakaba ali ishe Anaki.

¹⁴ Kalebu abingamu batabani ba Anaki bonshatu, nibo Sheshai, Ahimani na Tamari.

¹⁵ Aruga Heburoni atabalira abanyansi ba Debiri. Debiri eirai yayetwaga Kiriatiseferi.

¹⁶ Kalebu agamba ati, “Alitera Kiriatiseferi akagisinga ndimusiigira Akisa muhara wange.”

¹⁷ Otinieli mutabani wa Kenazi murumuna Kalebu wenene agikwata, aho amusiigira omuhara Akisa.

¹⁸ Omukazi ogu kayagobire omwa iba, agambira Otinieli kushaba Kalebu ensi. Aksa akuburuguka endogobeye; Kalebu amubaza ati, “Noyendaki?”

¹⁹ Akisa ahorora ishe ati, “Ompe omugisha aha rw'okuba ompaire ensi ya kasi, ompe n'enchuro z'amaizi.” Kalebu amuha enchuro za bugyaruguru n'eza bugyaifo.

Ebigo bya Yuda

²⁰ Obu nibwo busika bw'oruganda rwa Yuda nk'okwo amahiga gabo gali.

²¹ Ebigo ebyabaire bili by'oruganda rwa Yuda, rubaju orwa kasi bwolekera orubibi rwa Edomu ni Kauzeeli, Ederi, Yaguri;

²² Kina, Dimona na Adada;

²³ Kadeshi, Hazori na Itinani;

²⁴ Zifu, Telemu na Baaloti;

²⁵ Hazorihadati na Kiriotihezironi nikyo Hazori;

²⁶ Amamu, Shema na Molada;

²⁷ Hasarigada, Heshimoni na Betipeleti;

²⁸ Hasarishuali, Beerisheba na Biziosia;

²⁹ Baala, Iyimu na Esemu;

³⁰ Elitoladi, Kesili na Horima;

³¹ Zikilagi, Madimana na Senisana;

³² Lebaoti, Shilihimu, Aini na Rimoni. Ebigo byona bili makumi gabili na mwendai hamoi n'ebyaro byabyo.

³³ Kandi omu nsi y'oruhita ni Eshitaoli, Zola na Ashina;

³⁴ Zanoa, Enganimu, Tapua na Enamu;

³⁵ Yarimuti, Adulamu, Soko na Azeka;

³⁶ Shaaraimu, Aditaimu, Gedera na Gederotaimu. Bigo 14 hamoi n'ebyaro byabyo.

³⁷ Senani, Hadasha na Migidalagadi;

³⁸ Dilani, Mizipe na Yokitheeli;

³⁹ Lakishi, Bozikati na Egiloni;

⁴⁰ Kaboni, Lahimamu, na Kitilishi;

⁴¹ Gederoti, Betidagoni, Nama na Makeda. Bigo 16 hamoi n'ebyaro byabyo.

⁴² Libuna, Eteli, Ashani,

⁴³ Yifuta, Ashina na Nezibu;

⁴⁴ Keila, Akizibu na Maresha. Bigo mwendai hamoi n'ebyaro byabyo.

⁴⁵ Ekironi, ebigo n'ebyaro byakyo;

⁴⁶ kwema Ekironi kugoba aha nyanja, ebigo byona ebyabaire bili rubaju orwa Ashidodi hamoi n'ebyaro byayo.

⁴⁷ Ashidodi, ebigo n'ebyaro byayo; Gaza, ebigo n'ebyaro byayo, kugoba aha kaiga ka Misiri, n'Enyanja Empango n'omwegego gwayo.

⁴⁸ Kandi omu mabanga, Shamiri, Yatiri na Soko;

⁴⁹ Dana na Kiriatisana (niyo Debiri);

⁵⁰ Anabu, Eshitemo na Animu;

⁵¹ Gosheni, Holoni na Gilo. Bigo 11 hamoi n'ebyaro byabyo.

⁵² Arabu, Duma na Eshani;

⁵³ Yanimu, Betitapua na Afeka;

⁵⁴ Humita na Kiriatiaraba (niyo Heburoni) na Ziori. Bigo mwendai hamoi n'ebyaro byabyo.

⁵⁵ Maoni, Karimeli, Zifu na Yuta;

⁵⁶ Yezireeli, Yokideamu na Zanoa;

⁵⁷ Kaini, Gibea na Timuna. Bigo 10 hamoi n'ebyaro byabyo.

⁵⁸ Halihuli, Betizuri na Gedori;

⁵⁹ Maarati, Betanoti na Elitekoni. Bigo mukaga hamoi n'ebyaro byabyo.

⁶⁰ Kiriatibaali (niyo Kiriatiyearimu) na Raba. Bigo bibili hamoi n'ebyaro byabyo.

⁶¹ Omw'irungu Betaraba, Midini na Sekaka;

⁶² Nibushani, ekigo ky'Omwonyu na Engedi. Bigo mukaga hamoi n'ebyaro byabyo.

⁶³ Kyonkai Abayebusi abanyansi ba Yerusalemu, Abayuda tibashoboire kubabingamu, aha rw'ekyo Abayebusi batura hamoi n'Abayuda omuli Yerusalemu kugoba na mambwenu.