Yona 3 - Ebibulia 2001

Yona nahulira Omukama

¹ Omukama ashuba agambira Yona ati,

² “Oimuke ogende Ninive, ekigo ekyo ekihango, obagambire ebyo ndakugambira.”

³ Kityo Yona aimukya agenda Ninive, nk'okwo Omukama yamugambiire. Ninive ekaba eli kigo kihango muno, ow'okukiguturana yakugenzire n'amaguru ebiro bishatu.

⁴ Yona ataha omu kigo, akigendamu orugendo rw'ekiro kimoi. Agamba n'eiraka lihango ati, “Hasigara ebiro 40 Ninive kusigara amatongo!”

⁵ Abantu ba Ninive kwema aha muhango kugoba aha muke bwoli baikiliza ekyo Ruhanga yabaragiraho. Baranga kubaho ekisiibo, bajwara engunia.

⁶ Amakuru ago gagoba aha mukama wa Ninive. Abanduka aha nketoye, ajura enyambarwaze, ayeshweka orugunia, ashuntama omw'ijwi.

⁷ Atuma kuranga omukugwe omuli Ninive yona, ati, “Inye Omukama n'abaramata bange, nitubaha omuku tuti: Hatabaho kuroza kantu, yaba muntu anga bitunganwa, ente anga entaama. Hatabaho kulya kantu anga kunywa maizi.

⁸ Abantu beshweke engunia, n'ebitunganwa kwakwo. Batakire Ruhanga n'amani. Buli muntu alekere kukora kubi n'obukatili abulekere.

⁹ Tiwakumanya rundi Ruhanga yakweiza, alekera kutunigalira muno, tukira.”

¹⁰ Ruhanga kayaboine ebyo bakora, bakalekera kukora kubi, ayeiza, aleka kubabonabonyia nk'okwo yabaire agambire, mara tiyababonabonyize.