Yobu 7 - Ebibulia 2001

¹ “Orwo omuntu ali omu nsi ali omu ndashana, oburorabwe nibushusha obw'omupakasi.

² Nashusha omwiru ayegomba ekibeho, ali nk'omupakasi alindilira emperwaye.

³ Omwezi aha gundi tingira kongira, omu kiro ndara n'obujune.

⁴ Kambyama ngamba nti, ‘Ndaimuka maki?’ Kyonkai ekiro nikiraihya. Ndara ningubaga kukeisa obwire.

⁵ Omubili gwona ndiirwe enzito, nyina enziro, nyomangaine orushushu, ninfumuka amahira.

⁶ Ebiro byange nibyanguha kushaga akabaho k'omushuki w'emyendo, mara bihwaho hataliho shubi.

⁷ Ijuka okwo oburora bwange ruli rwoya, akarungi tindikabona rundi.

⁸ Alikumbona talimbona rundi, olimpiga mbure.

⁹ Nk'okwo ekichwi kyamuka kikahwaho, nikwo n'asongoka Sheoli atatemba kurugayo.

¹⁰ Tashuba kugaruka mwa wenene, mbali yaikaraga haba hatakimumanya.

¹¹ Aha rw'ekyo tindikwija kuburwa kugamba, nyina obushasi bungi kangambe, obujune nyina bungi kanyeboroboite.

¹² Inye naba nyanja anga kinyamugenge ky'enyanja, kuntaho omukumilizi?

¹³ Inye ekitanda kyange nikyo kimmaramara, ekitabo kyange nikyo kirampumuliza.

¹⁴ Wagyaho wankangisa ebiroto, wantinisa n'enyahwalinga;

¹⁵ mbwenu oyenzire kanyetamu omuguha, nkafa kushaga okwikara aha magufa.

¹⁶ Nayetamirwe tinkyenda kurora, mundeke kuba ahali inye oburora rwoya.

¹⁷ Omuntu kintuki, iwe kumufaho, n'okumwetaho okamwetaho;

¹⁸ nomurambura buli kanya, nomulenga buli kanya?

¹⁹ Waikara ompangiire amaisho, n'akachwanta tinakukamira!

²⁰ Kandaba nafakaire nkakushasa, iwe ow'amaisho nk'orugega, nikwo kumaliraho ekiniga?

²¹ Kiki kutangarulira okebwa entambara yange? Inye ndi haihi kufa, orampiga kyonkai ndaba ntakiliho.”