Yobu 26 - Ebibulia 2001

Yobu

¹ Ahanyuma Yobu ati,

² “Wanjuma, inye omujege, wanyemamu inye ataina mani.

³ Inye atamanya kantu wampanulira, kandi ebyo wagamba by'amagezi gangi muno.

⁴ Wakyanulirwa omu kugamba ebyo? Ni maniki agalikukugambisa?”

⁵ Bilidadi ahorora ati, “Abafu okuzimu nibajugumba, amaizi n'ebikagaturamu.

⁶ Abali Sheoli Ruhanga nabona okwo bali bushai, n'abali Abadoni bataina kakweshweka.

⁷ Akashanshurura eiguru mukono ogwa bikara, n'ensi yagihanika omu rwerwerwe.

⁸ Ruhanga niwe ahiikisa enjura, kyonkai tiyakugwa atenzire.

⁹ Niwe abunda okwezi, akubunza ebichwibye.

¹⁰ Enyanja akagiteraho obugarukiro, mbali obwire bukera na mbali eizoba litobelera.

¹¹ Enyomyo ezemeleirweho eiguru nizitengeta, k'alikwatangura eiraka zitangara.

¹² Omu bushoborabwe akachuleza enyanja, n'omu magezige yaita Rahabu.

¹³ Orwoyarwe rumara ebichwi aha iguru, lyera, n'omukonogwe nigwo gwaisire ekinyamugenge ekyabaire nikiiruka.

¹⁴ Kyonkai ebi byona bubonero bushai bw'amanige, n'eby'agamba tuhulira obuhwe bwonkai. Kayakusharuka nk'enkuba, n'ohai ayakushobokerwa amanige?”