Yobu 10 - Ebibulia 2001

¹ “Nayetamirwe, tindikwija kubura kutaka, ngambisibwe obushasi obwo nyinabwo omu mwoyo.

² Ndagambira Ruhanga nti, Singa otankwata mushango, waitu manyisa eky'olikuntura.

³ Isi waitu noshemelerwa kunshasa, kuntamwa okwo okantonda, okashemelerwa eby'ababi balikukora?

⁴ Iwe oina amaisho nk'ag'omuntu? Isi obona emibonere y'abantu?

⁵ Ebiro byawe bigufi nk'eby'abantu? Anga emyaka yawe ni nk'eyaitu?

⁶ Aho waitu, kubaki nohigiliza entambara zange, nonyomoza amafu gange?

⁷ Mara okwo nomanya okwo ntaina ntambara, n'okwo hataliho n'omoi yakunyihya mu mikono yawe.

⁸ N'iwe wantonzire, kandi mbwenu wampinduka wansilikya.

⁹ Waitu ijuka okwo wanyihire omw'itaka, mbwenu oshube olingaruremu?

¹⁰ T'iwe wanshesire nk'amata g'amashununu, okankwatanisa nk'amata ga mugando?

¹¹ Okantonda omubili, wantamu amagufa n'emisi.

¹² Okantunga oburora wangilira n'ekisha, n'omwoyo gwange n'iwe ogulinda.

¹³ Otura nomanya okwo olinteza enaku ezi, namanya okwo otura okigendeleire.

¹⁴ Kanfakara oba nombona, kandi tongarulira ntambara zange.

¹⁵ Kandaba ndi mufakare nakagwamu, kandaba ndi murungi tinakwesiima. Kuba enshoni nyina zingi, n'enaku zitambuzireho.

¹⁶ Kanakweshaijaza iwe ompiga nk'entare, mara oshuba ombonabonyia ebishobeize.

¹⁷ Iwe okora buhya endagano zawe, oikara nompayira tolekera kuntamwa, nonyongera ebibundo.

¹⁸ Waitu okakundiraki kanzarwa? Nimbe nagwire omu nda ya mawe ntaboine muntu,

¹⁹ nkashusha atakabahoga, nkazarwa nfire bakanziika.

²⁰ Oburora bwange bugufi, ondeke, mbanze nyikyemu,

²¹ ntakagenzire mbali ntaliruga, omu nsi y'obujune n'omwilima lindindi.

²² Ensi y'omwilima n'etabangu, mbali omushana gutajwa shana omwilima.”