Biblia Todo Logo
Bìoball air-loidhne

- Sanasan -

Yobu 1 - Ebibulia 2001


Sitani nalengesa Yobu

1 Omu nsi ya Uzi hakaba haliyo omushaija eibaralye Yobu. Kandi omushaija ogwo akaba ataina kamogo kandi ali murungi ayatinaga Ruhanga. Yayelindaga okukora kubi.

2 Akaba azaire abojo mushanju n'abaisiki bashatu.

3 Akaba aina entama 7,000, engamia 3,000, enumi z'okulimisa 1,000 n'endogobe matako 500. Akaba aina abairu bangi muno; kityo omushaija ogu abantu bona ab'oburugaizoba yabakizaga eiranga.

4 Abatabani bakoraga obugenyi omwa buli murumuna wabo orwo yagoberwaga ezamuye. Baralizaga banyanyabo bonshatu kwija kulya nabo obugenyi obwo.

5 Ebiro by'obugenyi kabyahwaga Yobu yabatumagaho abahasilira. Yaimukaga bwankya karai atamba ebitambo by'okwokibwa kuhonderana n'orubara rwabo bona; aha rw'okuba Yatekelezaga ati, “Wakushanga batabani bange bafakaire, mara bakeena Ruhanga batakigendeleire.” Nikwo yakoraga.

6 Ekiro kimoi abamalaika ba Ruhanga orwo babaire bakurasire Omukama, na Sitani abetabamu.

7 Omukama abaza Sitani ati, “Waruga nkahai?” Sitani amuhorora ati, “Ninduga omu kugenda oku n'oku omu nsi, naba ningendagenda kushai.”

8 Omukama muabaza ati, “Wayekomize Yobu omwiru wange? Omu nsi talimu n'omoi alikumwigana; muntu ataina kamogo mara murungi, atina Ruhanga, kandi ayelinda okukora kubi.”

9 Aho Sitani amuhorora ati, “Yobu asinga yatina Ruhanga.

10 Buli kanya omulinda n'ekaye n'ebye byona. Ogoshoire emilimoye n'eitungalye lyaijura ensi.

11 Kyonkai omwake eby'ainabyo byona, oije obone okwo arakukeena orubona!”

12 Omukama agambira Sitani ati, “Leba byona ebyo ainabyo bili omu bushobora bwawe, wenene wenkai otamukoraho.” Aho Sitani aruga aha Mukama.


Abaana ba Yobu n'eitungalye nibasilika

13 Ekiro kimoi batabani ba Yobu n'abahara bakaba nibalya obugenyi omwa murumuna wabo.

14 Entumwa eija egoba Yobu egamba eti, “Enumi zaba nizilima, n'endogobe nizilya mbali baba bali;

15 Aho Abaseba bazigwera, bazinyaga. Abairu babaisa embanda, inye nyenkai n'inye nahonokaho naija kukumanyisa.”

16 Kayabaire atakagwisize ondijo aija, amugambira ati, “Enkuba yatera entama n'abairu bawe yabasosotora; inye nyenkai n'inye nahonokaho naija kukumanyisa.”

17 Orwo yabaire atakagwisize aija ondijo, agamba ati, “Abakalidayo baija omu mitwe eshatu, banyaga engamia bazitwara, abairu babaisa embanda; inye nyenkai n'inye nahonokaho naija kukumanyisa.”

18 Kayabaire atakagwisize aija ondijo, agamba ati, “Batabani bawe na bahara bawe baba nibalya nibanywa omwa mukuru wabo omuzigaijo.

19 Omuyaga gungi gwaruga omw'irungu, enju gwagitera epembe inai, yagwera abasigazi bafa. Inye nyenkai n'inye nahonokaho kwija kukumanyisa.”

20 Aho Yobu abaratuka atagura ekijwarokye, amoisa eishoke, agwa ahansi, afukamira.

21 Agamba ati, “Mawe akanzara ndi bushai, mara ndifa ndigenda bushai. Omukama ayantungire niwe Mukama ayabitwara; ahaisilizibwe.”

22 Omuli ebi byona Yobu tiyafakaire anga kukwata Ruhanga mushango.

Ruhaya DC Bible © Bible Society of Tanzania, 2001.

Bible Society of Tanzania
Lean sinn:



Sanasan