Orubara 33 - Ebibulia 2001

Okwo Abaisiraeli barugire Misiri kugoba Moabu

¹ Egi niyo migendere y'Abaisiraeli orwo barugire Misiri kuhonderana n'enganda zabo omu mahe.

² Musa akahandika emiimukize yabo, kuruga aha na hali nk'okwo Omukama yabaire amuhangiire. Mbwenu egi niyo migendere yabo okwo bagenzire:

³ Bakaruga Ramesesi kili kiro kya ikumi na bitanu ky'omwezi gwa mbere. Baraire baliire Pasika, nirwo Abaisiraeli basigireho Abamisiri nibeshanda,

⁴ aho Abamisiri nibaziika emizigaijo yabo eyo Omukama yaisire, akolekya okwo aina obushobora kukira baruhanga babo.

⁵ Abaisiraeli baruga Ramesesi basisira Sukoti.

⁶ Baruga Sukoti basisira Etamu aha rubibi rw'eirungu.

⁷ Baruga Etamu bagaruka Pihahiroti oburugaizoba bwa Baalisefoni, basisira bolekeire Migidoli.

⁸ Baruga mbali babaire basisiire bolekeire Hahiroti baraba omu nyanja baturukira omw'Irungu lya Etamu, bagenda orugendo rw'ebiro bishatu basisira Mara.

⁹ Baruga Mara bagoba Elimu, mbali bashangire enchuro ikumi na ibili z'amaizi n'emiti y'emitende nshanju, baba niho basisira.

¹⁰ Kabarugire Elimu basisira aha Nyanja Rutuku.

¹¹ Baruga aha Nyanja Rutuku basisira omw'Irungu lya Sini.

¹² Baruga omw'Irungu lya Sini basisira Dofuka.

¹³ Baruga Dofuka basisira Alushi.

¹⁴ Baruga Alushi basisira Refidimu mbali babuzirwe amaizi g'okunywa.

¹⁵ Baruga Refidimu basisira omw'Irungu lya Sinai.

¹⁶ Baruga omw'Irungu lya Sinai basisira Kiburotihataava.

¹⁷ Baruga Kiburotihataava basisira Hazeroti.

¹⁸ Baruga Hazeroti basisira Ritima.

¹⁹ Baruga Ritima basisira Rimoniperezi.

²⁰ Baruga Rimoniperezi basisira Libuna.

²¹ Baruga Libuna basisira Risa.

²² Baruga Risa basisira Kehelata.

²³ Baruga Kehelata basisira aha Ibanga lya Sheferi.

²⁴ Baruga aha Ibanga lya Sheferi basisira Harada.

²⁵ Baruga Harada basisira Makeloti.

²⁶ Baruga Makeloti basisira Tahati.

²⁷ Baruga Tahati basisira Tera.

²⁸ Baruga Tera basisira Mitika.

²⁹ Baruga Mitika basisira Heshimona.

³⁰ Baruga Heshimona basisira Moseroti.

³¹ Baruga Moseroti basisira Beneyakani.

³² Baruga Beneyakani basisira Horihagidigadi.

³³ Baruga Horihagidigadi basisira Yotibata.

³⁴ Baruga Yotibata basisira Aburona.

³⁵ Baruga Aburona basisira Eziongeberi.

³⁶ Baruga Eziongeberi basisira omw'Irungu lya Sini (niyo Kadeshi).

³⁷ Baruga Kadeshi basisira aha Ibanga lya Hori, omu rubibi rw'ensi ya Edomu.

³⁸ Aha kiro kya mbere ky'omwezi gwa katanu, Aroni omukuhani atemba Eibanga lya Hori okwo Omukama yamuhangiire, aba niyo agwa, omu mwaka gwa 40 kwema Abaisiraeli barugire Misiri.

³⁹ Akaba aina emyaka 123, nirwo yafire akagwa aha Ibanga lya Hori.

⁴⁰ Omunyakanaani omukama wa Aradi ayaturaga Negebu omuli Kanaani, agya ahulira okwo Abaisiraeli balikwija.

⁴¹ Baruga aha Ibanga lya Hori basisira Salumona.

⁴² Baruga Salumona basisira Punoni.

⁴³ Baruga Punoni basisira Oboti.

⁴⁴ Baruga Oboti basisira Iyeabarimu omuli Moabu.

⁴⁵ Baruga Iyeabarimu basisira Dibongadi.

⁴⁶ Baruga Dibongadi basisira Alimondibulataimu.

⁴⁷ Baruga Alimondibulataimu basisira omu Mabanga ga Abarimu agolekeraine n'Eibanga lya Nebo.

⁴⁸ Baruga omu Mabanga ga Abarimu basisira omu mpita za Moabu haihi na Yorudani aholekeraine na Yeriko.

⁴⁹ Ahanyuma basisira haihi na Yorudani kwema Betiyeshimoti kuhika Abelishitimu omu mpita za Moabu.

Ebiragiro Batakashabukire Yorudani

⁵⁰ Omukama agambira Musa omu mpita za Moabu haihi na Yorudani ahali Yeriko ati,

⁵¹ “Ogambire Abaisiraeli oti, Orwo mulishabuka Yorudani mukagya Kanaani,

⁵² mubingemu abanyansi bamwo bona abo mulishangamu, mushube mwate ebishushani bya baruhanga byona eby'amabare n'ebiheshano byona, mukambure na ealutare.

⁵³ Ensi egyo mugitware mugituremu, aha rw'okuba nkagibaha k'eba yanyu.

⁵⁴ Kugya kugitwara mugitekere enshoga kuhonderana n'enganda zanyu. Oruganda oruhango muruhe obusika bungi; kandi oruganda oruke muruhe obutaka buke. Mbali enshoga ziliboleka omuntu niho haliba ha wenene. Ensi egyo mugilye nk'okwo enganda zanyu zili.

⁵⁵ Nawe kamuliba mutabingiremu banyansi bamwo abo mulishangamu, abo mulisigamu balikara babashasize babatuze kubi omu nsi egyo.

⁵⁶ Kamuliba mutababingiremu ndiita inywe, okwo nagonzaga kwita bonene.”