Orubara 26 - Ebibulia 2001

Okubara kwa kabili

¹ Ekibundo kakyahoire, Omukama agambira Musa na Eleazari eya Aroni, omukuhani ati,

² “Mubare eihanga lyona lya Isiraeli, kwema aha baina emyaka makumi gabili n'okutemba, abalikushobora kugya omu ndashana, kuhonderana n'amahiga gabo.”

³ Musa na Eleazari omukuhani bafumora nabo omu mpita za Moabu bwatana Yorudani omuli Yeriko. Babagambira bati,

⁴ “Mubare abantu kwema abaina emyaka makumi gabili n'okutemba nk'okwo Omukama aragiire.” Abaisiraeli abarugire Misiri nib'aba:

⁵ Oruganda rwa Rubeni omuzigaijo gwa Isiraeli: Abahanoki, abalikutabuka ahali Hanoki; Abapalu, abalikutabuka ahali Palu;

⁶ Abahezironi, abalikutabuka ahali Hezironi; n'Abakarumi, abalikutabuka ahali Karimi.

⁷ Aga nigo mahiga g'Abarubeni. Orubara rwabo bakaba bali 43,730.

⁸ Palu omutabani ni Eliabu.

⁹ Batabani ba Eliabu ni Nemweli, Datani na Abiramu. Aba nibo Datani na Abiramu ab'ekisimba kya Kora ekyarugire omu mbaga kugeleka Musa na Aroni, bakageleka n'Omukama.

¹⁰ Nibo ensi yayashamire ekamilirana na Kora, kandi omuliro gukokya ekisimba ekyo eky'abantu 250, bakafa. Bakaba b'okuleberaho.

¹¹ N'orwo kyabaire kityo, abana ba Kora tibafire.

¹² Ab'oruganda rwa Simeoni kuhonderana n'amahiga gabo nib'aba: Abanemweli, abalikutabuka ahali Nemweli; Abayamini, abalikutabuka ahali Yamini; Abayakini, abalikutabuka ahali Yakini;

¹³ Abazerahi, abalikutabuka ahali Zerahi; n'Abashauli abalikutabuka ahali Shauli.

¹⁴ Aga nigo mahiga g'oruganda rwa Simeoni; abantu 22,200.

¹⁵ Ab'oruganda rwa Gadi kuhonderana n'amahiga gabo nib'aba: Abazefoni, abalikutabuka ahali Zefoni; Abahagi, abalikutabuka ahali Hagi; Abashuni abalikutabuka ahali Shuni;

¹⁶ Abaozini, abalikutabuka ahali Ozuni. Abaeri, abalikutabuka ahali Eri;

¹⁷ Abaarodi, abalikutabuka ahali Arodi; n'Abaareli abalikutabuka ahali Areli.

¹⁸ Aga nigo mahiga g'oruganda rwa Gadi, orubara rwabo bantu 40,500.

¹⁹ Batabani ba Yuda bakaba bali Eri na Onani; bombili bakagwa Kanaani.

²⁰ Ab'oruganda rwa Yuda kuhonderana n'amahiga gabo nib'aba: Abashela, abalikutabuka ahali Shela; Abaperizi, abalikutabuka ahali Peresi; Abazerahi, abalikutabuka ahali Zerahi;

²¹ Peresi aina abatabani Hezironi na Hamuli, nibatabukwamu Abahezironi n'Abahamuli.

²² Aga nigo mahiga g'oruganda rwa Yuda. Orubara rwabo bantu 70,500.

²³ Ab'oruganda rwa Isakari kuhonderana n'amahiga gabo nib'aba: Abatora, abalikutabuka ahali Tola; Abapuva, abalikutabuka ahali Puva;

²⁴ Abayashubu, abalikutabuka ahali Yashubu; n'Abashimuroni, abalikutabuka ahali Shimuroni.

²⁵ Aga nigo mahiga g'oruganda rwa Isakari. Orubara rwabo bantu 64,300.

²⁶ Ab'oruganda rwa Zabuloni, kuhonderana n'amahiga gabo nib'aba: Abaseredi, abalikutabuka ahali Seredi; Abaeloni, abalikutabuka ahali Eloni; n'Abayaleli, abalikutabuka ahali Yaleeli.

²⁷ Aga nigo mahiga g'oruganda rwa Zabuloni. Orubara rwabo bantu 60,500.

²⁸ Ab'oruganda rwa Yozefu, kuhonderana n'amahiga gabo ni Manase na Efuraimu,

²⁹ Baijukuru ba Manase; Abamakiri, abalikutabuka ahali Makiri. Makiri nazara na Gileadi alikutabukwaho Abagileadi.

³⁰ Baijukuru ba Gileadi, Baiezeri, abalikutabuka ahali Iezeri; Abaheleki abalikutabuka ahali Heleki.

³¹ Abaasirieli, abalikutabuka ahali Asirieli; Abashekemu, abalikutabuka ahali Shekemu;

³² Abashemida, abalikutabuka ahali Shemida; n'Abaheferi, abalikutabuka ahali Heferi.

³³ Selofehadi mutabani wa Heferi hakaba aina abaisiki, ataina bojo. Bahara ba Selofehadi nib'aba: Mala, Noa, Hogila, Milika na Tiriza.

³⁴ Aga nigo mahiga g'oruganda rwa Manase. Orubara rwabo bantu 52,700.

³⁵ Baijukuru ba Efuraimu kuhonderana n'amahiga gabo nib'aba: Abashutela, abalikutabuka ahali Shutela; Ababekeri, abalikutabuka ahali Bekeri; n'Abatahani abalikutabuka ahali Tahani.

³⁶ Abaerani, baijukuru ba Erani, nabo nibatabuka ahali Shutela.

³⁷ Aga nigo mahiga ga baijukuru ba Efuraimu. Orubara rwabo bantu 30,500. Aba nibo baijukuru ba Yozefu kuhonderana n'amahiga gabo.

³⁸ Ab'oruganda rwa Benjamini kuhonderana n'amahiga gabo nib'aba: Ababela, abalikutabuka ahali Bela; Abaashibeli, abalikutabuka ahali Ashibeli; Abahiramu, abalikutabuka ahali Ahiramu;

³⁹ Abashefufamu, abatabuka ahali Shefufamu; n'Abahufamu abatabuka ahali Hufamu.

⁴⁰ Bela hakaba aina abatabani abandi, abhalimu Aridi na Naamani. Aridi, niwe alikutabukwamu Abaaridi; kandi Naamani, natabukwamu Abanaamani.

⁴¹ Oru nirwo ruganda rwa Benjamini kuhonderana n'amahiga gabo. Orubara rwabo bantu 45,600.

⁴² Oru nirwo ruganda rwa Dani: Abashushamu, abalikutabuka ahali Shushamu.

⁴³ Orubara rw'Abashushamu bantu 64,400.

⁴⁴ Oruganda rwa Asheri kuhonderana n'amahiga gabo nib'aba: Abaimuna, abalikutabuka ahali Imuna; Abaishivi, abalikutabuka ahali Ishivi; n'Ababeria abalikutabuka ahali Beria.

⁴⁵ Batabani ba Beria abandi ni Eberi na Malakieli abalikutabukwamu Abaeberi n'Abamalikieli.

⁴⁶ Asheri hakaba aina n'omuhara, eibara nibamweta Sera.

⁴⁷ Aga nigo mahiga g'oruganda rwa Asheri. Orubara rwabo bantu 53,400.

⁴⁸ Ab'oruganda rwa Nafutali kuhonderana n'amahiga gabo nib'aba: Abayaseli, abalikutabuka ahali Yaseeli; Abaguni abalikutabuka ahali Guni;

⁴⁹ Abayezeri, abalikutabuka ahali Yezeri; n'Abashilemu abalikutabuka ahali Shilemu.

⁵⁰ Oru nirwo ruganda rwa Nafutali kuhonderana n'amahiga gabo. Orubara rwabo bantu 45,400.

⁵¹ Abaisiraeli bona hamoi ababazirwe 601,730.

⁵² Omukama akagambira Musa ati,

⁵³ “Enganda ozibeganire ensi kuhonderana n'obuhango bwa buli ruganda.

⁵⁴ Oruganda oruhango oruhe omugabo oguhango. Oruganda oruke oruhe omugabo oguke. Buli ruganda ruhabwe omugabo nk'okwo obungi bwarwo buli.

⁵⁵ Kyonkai ensi kwija kugabwa etekerwe enshoga. Bahabwe emigabo kuhonderana n'obuhango bw'enganda zabo.

⁵⁶ Nk'okwo emitekerwe y'enshoga eliba egenzire nikwo n'emigabo eligenda: Abangi kushaga bahabwe omugabo oguhango kushaga; abake kushaga, bahabwe omugabo oguke kushaga.”

⁵⁷ Aba nibo Balevita okwo babazirwe omu mahiga gabo: Abakohati, abalikutabuka ahali Kohati; Abamerari, abalikutabuka ahali Merari; n'Abagerishoni abalikutabuka ahali Gerishoni.

⁵⁸ Amahiga aga nago nigatabuka ahali Levi: Abalibani, Abaheburoni, Abamahili, Abamushi n'Abakora. Kohati ni ishe Amuramu.

⁵⁹ Muka Amuramu hakaba nayetwa Yokebedi muhara wa Levi; Yokebedi ogu akazalirwa Misiri. Akazalira Amuramu Aroni na Musa na munyanyabo Miriamu.

⁶⁰ Batabani ba Aroni ni Nadabu, Abihu, Eleazari na Itamari.

⁶¹ Kyonkai Nadabu na Abihu bakatambira Omukama ekitambo, bakyokesa omuliro ogulikutangwa, aho bafa.

⁶² Abalevita abashaija, kwema aha w'omwezi gumoi n'okutemba, bakabarwa abantu 23,000. Bakabarwa bonkai omu Baisiraeli aha rw'okuba bakaba batalikuhabwa mugabo omuli Isiraeli.

⁶³ Aba nibo Baisiraeli abo Musa na Eleazari omukuhani babazire omu mpita za Moabu buseli bwa Yorudani kwema Yeriko.

⁶⁴ Omuli aba thalimu n'omoi omu bo Musa na Aroni babazire eibara lya mbere omw'Irungu lya Sinai.

⁶⁵ Kuba Omukama hakaba agambiire okwo bona baligwa omw'irungu shana Kalebu eya Yefune na Yoshua eya Nuni.