Okuruga 11 - Ebibulia 2001

Musa naranga okufa kw'emizigaijo

¹ Omukama agambira Musa ati, “Hasigara ekibundo kimoi ekindi ekyo ndaletera Farao na Misiri. Ahanyuma arabataishura muruge munu. Orwo arabataishura arababingira kimoi.

² Mbwenu ogambire abantu. Buli mushaija ayenze mutahiwe ebikwato by'efeza n'eby'ezahabu, na buli mukazi kutyo abyenze mutahiwe.”

³ Omukama ahindura Abamisiri bagonza Abaisiraeli. Kandi Musa akaba ali muntu mukuru muno omu nsi ya Misiri: Aha baramata ba Farao n'omu bantu.

⁴ Musa agamba ati, “Omukama nagamba ati: Kwija kugoba omu kiro eitumbi ndaraba Misiri,

⁵ emizigaijo yamwo yona erafa, kwema aha muzigaijo gwa Farao ashuntamire aha nketoye, kulemwa kugoba aha muzigaijo gw'omuzana alikusa aha rubengo n'emizigaijo yona y'ebitunganwa.

⁶ Harabaho okuchura kungi omuli Misiri yona, okutakabagaho mara okutalibaho rundi.

⁷ Kyonkai omu Baisiraeli yaba muntu anga kigunju, eraba milembe n'embwa yonkai terurume; mwije mumanye okwo Omukama alikukora enshororo aha Bamisiri na Isiraeli.

⁸ Kandi abaramata bawe aba bona barampondera bambandamire nibagamba bati, ‘Oturuke, n'abantu bawe bona obatware.’ Ekyo kakirahwa ndashohora.” Aho aruga ahali Farao ekiniga kimubarabasire.

⁹ Omukama agambira Musa ati, “Farao tabaikilize, ebitangazo byange bibone kukanya omuli Misiri.”

¹⁰ Musa na Aroni bakora ebitangazo ebi byona omu maisho ga Farao, kyonkai Omukama agumanganisa Farao omutima, tiyataishwire Baisiraeli kuruga omu nsiye.