Nehemia 11 - Ebibulia 2001

Abantu abatwire Yerusalemu

¹ Abebembezi b'embaga baikaraga Yerusalemu. Embaga esigaire eteka enshoga omu bantu ikumi barondamu omoi ow'okwikara Yerusalemu, ekigo kitakatifu. Abandi mwendai baikaraga omu biro ebindi.

² Embaga esiima abantu bona abayebugire kutura Yerusalemu.

³ Aba nibo batwazi b'omukoa abaikaraga Yerusalemu; kyonkai omu bigo bya Yuda buli muntu akaikara omu butakabwe. Abaisiraeli abo, bakuhani, Balevita, bakozi ba Rwensinga na baijukuru b'abaramata ba Solomoni.

⁴ Kandi omuli Yerusalemu haikarwagamu oruganda rwa Yuda n'orwa Benjamini. Omu ruganda rwa Yuda ni Ataya eya Uzia, Uzia eya Zekaria, Zekaria eya Amari, Amari eya Shefasia, Shefasia eya Mahalaleli ow'eihiga lya Peresi;

⁵ na Maaseya eya Baruki, Baruki eya Koroze, Koroze eya Hazaya, Hazaya eya Adaya, Adaya eya Yotaribu, Yotaribu eya Zekaria mwijukuru wa Shela.

⁶ Baijukuru ba Peresi bona abaikaraga Yerusalemu bakaba bali baisherukare emanzi 468.

⁷ Ab'oruganda rwa Benjamini: Salu eya Meshulamu, Meshulamu eya Yoedi, Yoedi eya Pedaya, Pedaya eya Kolaya, Kolaya eya Maaseya, Maaseya eya Itieli, Itieli eya Yeshaya.

⁸ Ogwo nahonderwa Gabai na Salai; bona hamoi bali 928.

⁹ Mukuru wabo akaba ali Yoeli eya Zikiri; kandi Yuda eya Hasenua niwe yamuhonderaga omu butwazi bw'ekigo ekyo.

¹⁰ Omu bakuhani ni Yedaya eya Yoyaribu na Yakini;

¹¹ na Seraya eya Hilikia, Hilikia eya Meshulamu, Meshulamu eya Zadoki, Zadoki eya Merayoti, Merayoti eya Ahitubu Omukuhani Omukuru muno omutwazi wa Rwensinga;

¹² na barumuna babo abagikoragamu. Bona hamoi bantu 822. Haliyo na Adaya eya Yerohamu, Yerohamu eya Pelalia, Pelalia eya Amuzi, Amuzi eya Zekaria, Zekaria eya Pashuri, Pashuri eya Malakiya;

¹³ hamoi n'abarumuna abakuru b'amahiga, abantu 242. Amashisai eya Azareli, Azareli eya Ahizai, Ahizai eya Meshilemoti, Meshilemoti eya Imeri;

¹⁴ hamoi na barumuna babo baisherukare emanzi 128. Mukuru wabo yabaga Zabudieli eya Hagedolimu.

¹⁵ Omu Balevita ni Shemaya eya Hashubu, Hashubu eya Azirikamu, Azirikamu eya Hashabia, Hashabia eya Buni;

¹⁶ na Shabetai, na Yozabadi, bamoiho omu bakuru b'Abalevita abalebeleraga emilimo ya Rwensinga;

¹⁷ na Matania eya Mika, Mika eya Zabudi, Zabudi eya Asafu ayayebemberaga enshara z'okusiima, na Bakibukia ayabaire nahondera Matania omu butwazi; na Abuda eya Shamua, Shamua eya Galali, Galali eya Yeduthuni.

¹⁸ Abalevita bona omu kigo kitakatifu bakaba bali 284.

¹⁹ Abakumilizi ni Akuba, Talumoni na barumuna babo abalindaga ebihigi; bakaba bali 172.

²⁰ Abaisiraeli abasigaire n'abakuhani n'Abalevita bakaba bali omu bigo byona bya Yuda buli muntu omu busikabwe.

²¹ Kyonkai abakozi ba Rwensinga baturaga Ofeli omuli Yerusalemu kandi Ziha na Gishipa bakuliraga abakozi abo.

²² Omukuru w'Abalevita omuli Yerusalemu akaba ali Uzi eya Bani, Bani eya Hashabia, Hashabia eya Matania, Matania eya Mika ow'eihiga lya Asafu omuhoyi ayalebeleraga eikora lya Rwensinga.

²³ Omukama Daudi akaba aragiire eby'abahoyi barakora n'ebyo barahabwaga buli kiro.

²⁴ Kandi Petahia eya Meshezabeli ow'eihiga lya Zera ow'oruganda rwa Yuda, akaba ali mubaka w'Abaisiraeli aha mukama.

Abantu b'ebigo ebindi

²⁵ Ab'oruganda rwa Yuda abandi bakatura omu byaro omu mataka gabo omuli Kiriatiaraba n'ebyaro byayo;

²⁶ n'omuli Yeshua, Molada, Betipeleti;

²⁷ omuli Hazarishuali, omuli Beerisheba n'ebyaro byayo;

²⁸ omuli Zikilagi n'omuli Mekona n'ebyaro byabyo;

²⁹ Enirimoni, Zora, Yaramuti;

³⁰ Zanoa, Adulamu n'ebyaro byabyo, Lakishi n'amataka gayo na Azeka n'ebyaro byayo. Kityo bakatura kwema Beerisheba kugoba omu Ruhanga rwa Hinomu.

³¹ Ababenjamini nabo baturaga kwema Geba n'okugendelera, abandi baturaga Mikimashi, Aiha, Betheli n'ebyaro byayo.

³² Anatoti, Nobu, Anania;

³³ Hazori, Rama, Gitaimu;

³⁴ Hadidi, Zeboimu, Nebalati;

³⁵ Lodi na Ono Oruhanga rw'Ababuya.

³⁶ Kandi ebichweka ebindi eby'Abalevita bakabatwara omu Babenjamini.