Nehemia 1 - Ebibulia 2001

Nehemia nashasibwa Yerusalemu

¹ Ebi nibyo Nehemia eya Hakalia yakozire. Obukiro bumoi omu mwezi gwa Kisilevu, omu mwaka gwa 20 gw'Omukama Aritashasita kanabaire ndi omu kigo kikuru kya Susa,

² Hanani, omoiho omuli barumuna bange aija n'abashaija ba Yuda. Mbabaza aha Bayahudi abahungire n'abatwetwe omu buzahe, n'ahali Yerusalemu.

³ Bangambira bati, “Abahungi ab'omu mukoa, abairukiire batatwetwe mu buzahe bali omu naku zingi n'enshoni. Eboma ya Yerusalemu ekakamburwa, n'ebihigi byayo bikasosotorwa omuliro.”

⁴ Kanahuliire ebigambo ebyo, nshutama ahansi ndira, nchura ebiro bingi. Nshuba ngendelera kusiba n'okushaba Ruhanga ow'omw'iguru.

⁵ Ngamba nti, “Waitu Mukama Ruhanga ow'omw'iguru, niwe Ruhanga omukuru mara ow'ekitinwa, Ruhanga ahikya endagano akagilira n'ekisha abamugonza bakakwata emihangoye;

⁶ otege amatwi gawe, oburure n'amaisho ohulire enshara z'omwiru wawe ndikukushaba mbwenu ahali iwe ekiro n'omushana ninshabira Isiraeli, abairu bawe. Nintongana amafu g'Abaisiraeli, ago tukufakaliire. Nikwo, inye n'abanyaruganda bange tufakaire.

⁷ Tukugokeire muno, mara titwekomize mihango n'ebiragiro n'emigenzo ebyo wahangiire omwiru wawe Musa.

⁸ Baijuke ekigambo ekyo wahangiire omwiru wawe Musa oti, ‘Kamuliba mutabaire besigwa, ndibanaganaga omu mahanga;

⁹ nawe kamulingarukaho mukekomya emihango yange mukagikwata, n'orwo omuli inywe haliba bhalimu abanaganagirwe kuhika aha ndekelero y'ensi, ndibaihyayo mbagarure omu mwanya ogwo nayerondeire kuturamu.’

¹⁰ Bonene bairu bawe mara ihanga lyawe, abo wachungwize obushobora bwawe n'amani gawe agangi.

¹¹ Waitu Mukama, batege amatwi bahulire enshara z'omwiru wawe, n'ez'abairu bawe abalikwenda kukunisa eibara lyawe. Kir'eki bantunge egoshoko, kandi bangilire obuganyizi omu maisho g'omukama ogu.” Omu bukiro obwo nkaba ndi mukwasi w'enkorogo y'omukama.