Isaya 7 - Ebibulia 2001

Ahazi natatirwa elya mbere

¹ Omu makiro ga Ahazi, eya Yotamu, Yotamu eya Uzia, omukama wa Yuda, Rezini omukama wa Siria na Peka eya Remalia omukama wa Isiraeli batatulira Yerusalemu, kyonkai tibashoboire kugisinga.

² Orwo engoma ya Yuda yamanyire okwo Siria elikwema na Efuraimu, omukama n'engoma yona bachundwa okwo emiti omu kibira echundwa omuyaga.

³ Omukama agambira Isaya ati, “Ogende obone Ahazi, iwe na mutabani wawe Sheariyashubu, mtuli orwato rw'ekinyaja ky'oruguru rulikulekelera, orwato oruli aha muhanda ogulikugya omu bashuki b'emyendo.

⁴ Omugambire oti, ‘Oramanya otakwechura, otakutina, kandi ekiniga kingi kya Rezini, n'Abasiria, na Peka eya Remalia kitakuhahanisa. Nibashusha ebisilira bibili by'enkanzi ebilikuchunka omwika.’

⁵ Nomanya okwo Abasiria, n'Abaefuraimu, na mutabani wa Remalia bakunamire kubi nibagamba bati,

⁶ ‘Tutatulire Yuda tugitinise, tugitere tugitware, tutemu mutabani wa Tabeeli abe mukama agitware.

⁷ Kyonkai Omukama Ruhanga agambire ati, Ebyo baanamire tibibeho, birayanga.’

⁸ Amani ga Siria eba Damasiko, kandi amani ga Damasiko aba Rezini. Mara omu myaka nkaga n'etanu oruganda rw'Abaefuraimu tulirubeganura ruhweho.

⁹ Amani ga Efuraimu eba Samaria, kandi Samaria amani gayo aba mutabani wa Remalia. Kamurayanga kwikiliza timuliguma.”

Akabonero ka Emanueli

¹⁰ Omukama ashuba agambira Ahazi ati,

¹¹ “Oshabe Omukama Ruhanga wawe akamanyiso. Akamanyiso ako kabe karai karai okuzimu kugoba Sheoli anga kabe karai karai eiguru kukanga aha iguru.”

¹² Kyonkai Ahazi agamba ati, “Akabonero tindikwija kukashaba, kandi n'Omukama tindikwija kumulenga.”

¹³ Nikwo Isaya kugira ati, “Hulira inywe ka ya Daudi! Nimulenga muti muzano kulemesa abantu, mukalemesa na Ruhanga wange?

¹⁴ Aha rw'ekyo Omukama wenene arabaha akamanyiso. Leba, omubikira alitwara enda, azare omwana w'omwojo, amwete Emanueli (nikwo kugamba kuti: Ruhanga ali hamoi naichwe).

¹⁵ Orwo omwana ogwo alimanya kwanga ekili kibi akaihyaho ekili kirungi aralyaga amata g'ebigitiri n'obwoki.

¹⁶ Orwo omwana ogwo aliba atakamanyire kwanga ekili kibi n'okwihyaho ekili kirungi, ensi z'abakama bombili ab'olikutina, ziliba ndaara.

¹⁷ Iwe n'oruganda rwawe n'eihanga lyawe Omukama alibateza kubateza enaku ezitakabagaho kwema Efuraimu etaishukaine na Yuda. Alileta omukama wa Asiria.”

Okusilika kwa Yuda

¹⁸ Omu makiro ago Omukama alyesa enshwera omutuliza ziruge mtuli emiiga ya Misiri etabuka, kutyo n'enjoki za Asiria nazo azese omutuliza.

¹⁹ Enshwera ezo n'enjoki ezo zilija zemalire omu mpanga ezitaturwamu bantu n'omu mpako z'amabare n'omu bishaka by'amahwa byona n'omu malisizo gona.

²⁰ Omu biro ebyo Omukama alitiiza orumoiso buseli bw'Omwiga gwa Efurati, orumoiso orwo n'iwe mukama wa Asiria, abamoise eishoke aha mutwe n'obwoya aha maguru. Orumoiso orwo rulibamaraho n'ebileju.

²¹ Omu makiro ago n'orwo omuntu alishangwa asigaizeho enyana y'enkiraiziba n'entaama ibili,

²² bilikamwa amata gangi muno ashobore kulya amata g'ebigitiri. Kandi n'atulisigara omu nsi bona tulitungwa amata g'ebigitiri n'obwoki.

²³ Mara omu biro ebyo buli hantu mtuli habaga emizabibu rukumi, emizabibu elikugura eshekeli rukumi z'efeza halimerwamu orukwatango n'amahwa.

²⁴ Ow'obuta n'emyambi n'iwe aligoba omu nsi egyo, orw'okuba eliba emezirwemu orukwatango n'amahwa.

²⁵ Kandi obubanga bwona obwalimwaga enfuka timulibugoba, aha rw'okutina orukwatango n'amahwa. Obubanga obwo tulibutaishurana ente n'entaama zitogeere omwo.