Isaya 4 - Ebibulia 2001

¹ Kir'ekyo abakazi mushanju tulikwata omushaija omoi, nibagamba bati, “Turayelisa mara twejweke, kyonkai tube bakazi bawe, iwe otwihyeho ekihemu.”

Yerusalemu negarulirwa

² Kir'ekyo eitagi ly'Omukama liliba lirungi mara libe ly'ekitinwa, n'ebiraba by'ensi biliba kyebugo, mara kitinwa ky'ensigalira za Isiraeli.

³ Omuntu alisigara Sioni n'alisigara Yerusalemu alyetwa mutakatifu, buli omoi ayahandikirwe hamoi n'abarora omuli Yerusalemu.

⁴ Ebyo bilibaho orwo Omukama aliba yamazire kwogya ebihagaro by'abakazi ba Yerusalemu, akagarulira n'entambara y'okwitwa kw'abantu abaitirwe Yerusalemu. Alikoza eiramu n'ekibonabonyio.

⁵ Kir'ekyo, obwire bukeire, alibunza Eibanga lya Sioni lyona n'abantu atulishangwa bateraniire aho, Omukama alibabunza ekichwi, kandi omu kiro ababunze omwika n'omuliro ogulikurabagira; aha rw'okuba ekitinwa kyona ky'Omukama kilishweka ekigo kyona n'okukyemera.

⁶ Obwire bukeire ekitinwakye kilibunda ekigo kitaterwa mushana mara ekigo ekyo kibe buhungiro, tikiliterwa njura anga kuhutwa mbuyaga.