Isaya 27 - Ebibulia 2001

¹ Kir'ekyo Omukama aliha Leviatani ekibonabonyio. Enjoka egyo Leviatani neiruka batagiita, neyekubakuba. Aligisa embandaye empango, ey'amani n'obwogi. Ekinyamugenge ky'omu nyanja ekyo nakiita.

² Kir'ekyo abantu tuligira bati, “Mwebuge endimiro nungi egyo ey'emizabibu.

³ Inye Omukama, n'inye ngilinda. Ngitilira amaizi buli kanya. Ngilinda kiro na mushana, omuntu n'omoi ataija akagiita;

⁴ Mara tingira kiniga. Nimbe naba ninkwatangana n'amahwa n'orukwatango! Nakuturukire ndashana nabyo mbyokejanyia.

⁵ Anganu bantagilize, bankwate amaguru mtulinde, bangwe omu maguru mbaganyire.”

⁶ Omu biro ebilija Abaisiraeli nibo baijukuru ba Yakobo tulisimba emizi, bagiire amatagi, bakye, ebiraba byayo biliijura ensi yona.

⁷ Isi abaIsiraeli abo abateire nk'okwo ateire ababateire? Anga ekiitirwe ekyabo nikyo kimoi n'eky'ababaisire?

⁸ Kugya kubashabira wabasindika omu buzahe, wabatwaza omuyaga gubi ogw'oburugaizoba.

⁹ Kyonkai Isiraeli kwija kugarulirwa amafu gayo, alutare z'abanyamahanga babanze bazise nk'einoni, alutare z'okwoteraho obunuma zichweke, n'ebihuuku bya Ashera ruhanga omukazi birugeho.

¹⁰ Ekigo ky'eboma kyabaire amatongo. Kyabaire ndaara nk'eirungu elitainamu kantu. Kyabaire bulisizo bw'ebitunganwa mtuli bilikuliira, bikahumulira.

¹¹ Emiti ehendekire amatagi, gayoma, abakazi nibagarondaronda obukwi. Abantu tibaina kyotulikushobokerwa, kityo Ruhanga omutonzi wabo talikwija kubaganyira.

¹² Inywe Baisiraeli, kir'ekyo Omukama alibashoroza omoi omoi omoi, kwema Efurati kugoba aha Kaiga ka Misiri, alishusha omuntu alikuronda enjuma y'engano omu mushunga.

¹³ Ekiro ekyo kakiligoba enzamba mpango elitaga kugarura Abaisiraeli bona kuruga Asiria na Misiri omu buzahe. Balija bafukamire Omukama omuli Yerusalemu, aha rushozirwe orutakatifu.