Isaya 20 - Ebibulia 2001

Omurangi atajwete

¹ Mwaka ogwo omukuru w'eihe ayabaire atumirwe Sarigoni omukama wa Asiria yagobire Ashidodi akagitera akagikwata,

² aho Omukama agambira omu kanwa k'Omurangi Isaya eya Amozi nagamba ati, “Ogende oyekomorore orugunia, ojure n'ebiratwa omu maguru.” Isaya agirakwo, agenda ali bushai atajwete na biratwa.

³ Omukama agamba ati, “Okwo Isaya omwiru wange yamara emyaka eshatu nagenda ali bushai, atajwete na biratwa, kubaasira Misiri na Etiopia,

⁴ nikwo n'omukama wa Asiria alitwara Abamisiri endore, n'Abaetiopia abatware omu buzahe, n'omuto n'omukuru tuligenda bushai, bataina na biratwa, enyio zili aheru, mara ekyo Misiri kiligibera kihemu.

⁵ Ahanyuma abo abatura bagira eshubi omuli Etiopia, nibesigasiga Misiri, tulihahanwa emitima, bashoberwe.

⁶ Kir'ekyo abantu b'aha mwaro tuligira bati, ‘Mbwenu abo twayesigaga, tukabairukiraho kutukiza aha mukama wa Asiria, kabaraba babaire batyo, ichwe aho turakira tutai?’ ”