Hosea 6 - Ebibulia 2001

Okwechuza okutaina mazima

¹ Abaefuraimu n'Abayuda baligamba bati, “Mwije tugarukire Omukama, orwo atutagwire kutukiza. Atuteire kyonkai aratushemba amahuta.

² K'ebiro bilikya bibili alitugaruramu amani, aha kiro kya kashatu atwimukye atutunge oburora tube ba wenene.

³ Mbwenu tutemu amani tumanye Omukama; alija okw'obona emambya, alija nk'enjura y'omuhanguko eitilira ensi.”

⁴ Omukama nabaza ati, “Mbagire ntai Baefuraimu inywe? Mbagiire ntai Bayuda inywe? Engonzi zanyu nizishusha ekichwi kya bwankya, nizishusha orume orwamuuka bwangu.

⁵ Nikyo ntumiire abarangi kubagambira okwo ndababonabonyia nkabasilikya. Mara ekibonabonyio kyange kilija kitetegeirwe nk'omushana.

⁶ Kuba nyenda engonzi mahika, ti bitambo; ngonza kamummanya, kushaga okwo ngonza ebihongo by'okwokibwa.”

⁷ “Orwo bamazire kutaha bati omu nsi ya Adamu babanza kuchwa endagano yange; orwo bagobiremu bangokera.

⁸ Gileadi kiba kigo ky'ababi, omulimo gwabo kwita abantu.

⁹ Okwo abashuga bazimbira omuntu, nikwo n'abakuhani bemire hamoi. Baitiire abantu omu muhanda gulikugya Shekemu, bakora eby'obujanga muzemumanye.

¹⁰ Omuli Isiraeli mboinemu eihano ly'amani: Abaefuraimu nibatera obumalaya, Abaisiraeli bahagaire.”

¹¹ “Nainywe Bayuda, natekatekire ekiro ky'okubabonabonyia, mbature ebyo mulikukora.”