Hosea 5 - Ebibulia 2001

¹ “Inywe bakuhani muhulire ekigambo eki. Muhulire inywe Baisiraeli! Hulira inywe ruganda rw'abakama! Kuba omushango gubagweleire. Mushusire omutego omuli Mizipa, mwashusha akatimba katanturulirwe ahali Tabori.

² Ekina kya Shitimu mukilimire kyagya okuzimu, mara ndibabonabonyia inywena.

³ Aba Efuraimu nimbamanya, n'aba Isiraeli nimbetekage. Inywe aba Efuraimu muteire obumalaya, muhagaire inywe aba Isiraeli.”

Hosea natatira abantu okufukamira ebihuuku

⁴ Amafu ag'abantu bakozire nigabatanga kugaruka ahali Ruhanga wabo. Kuba obusiyani baina bungi, n'Omukama tibalikumumanya.

⁵ Abaisiraeli eikuru lyabo nilibaropa, aba Efuraimu entambara zabo balizigwamu. Aba Yuda nabo balifa nabo.

⁶ Baligenda n'entama zabo n'ente zabo kuhiga Omukama, kyonkai tibalimubona; yabaihiremu emikono.

⁷ Bagokeire Omukama, bazara abana aheru. Mbwenu okwezi kakurayema barahwaho n'endimiro zabo.

Endashana y'Abayuda n'Abaisiraeli

⁸ Mweme Gibea mutere enzamba, mugitere mwemire Rama. Mutere enzamba y'endashana omuli Betiaveni. Ochundwe iwe Benjamini!

⁹ Aha kiro ky'ekibonabonyio Efuraimu eliranduka; ekyo ndikugambira enganda za Isiraeli ky'amazima.

¹⁰ “Abatwazi ba Yuda nibashusha abantu abasimbura ebiramura; orwo ndibabonabonyia ndishusha ayababutikiza amaizi.

¹¹ Abaefuraimu bali omu naku, baboine ekibonabonyio ky'okulibatilirwa aha rw'okuhiga obujuni mbali butali.

¹² Aha rw'ekyo Efuraimu abo mbashusiire ekinyenje, Abayuda nabashusira ekishebe.”

¹³ “Aba Efuraimu kabemanyire endwara, n'Abayuda bakemanya amahuta, aho Abaefuraimu batuma aha mukama rubamba owa Asiria. Kyonkai tashobore kubatambira anga kubakiza mahuta.

¹⁴ Abaefuraimu ndibashusira entare, Abayuda ndibahindukira ekyana ky'entare. Inye nyenene ndisiga nabaatagura nshube nyegendere. Kandi abo ndikwaikura taliho muntu alibajuna.

¹⁵ Ndishuba nyegarukire omu kanya kange, balemwe baikiliize entambara yabo bampige. Orwo baliba bali omu naku ezo, balimpiga.”