Ezaburi 81 - Ebibulia 2001

Ruhanga magara ga Isiraeli

¹ Shanduka muhoyere Ruhanga, Ruhanga amani gaitu; mushandukire Ruhanga wa Yakobo!

² Muhoye oruhoya, mutere akadiika, n'enanga nungi n'eningili.

³ Mutere amakondere okwezi kwemire, mushube mugatere kumatiire aha kiro kyaitu ky'amalili.

⁴ Kuba kiba kiragiro omuli Isiraeli, mugenzo gwa Ruhanga wa Yakobo.

⁵ Akahanga kaguba muku omwa Yozefu, orwo yatabaliire ensi ya Misiri; mbali nahuliliire eiraka ly'ogwo owo ntamanyaga, ati,

⁶ “Nkabaihya omugugu aha mabega: Nabaikizamu ensika z'amatofali.

⁷ Okantakira oli omu naku nakurokora; nakuhorora nyemire omu bwesheleko bw'enkuba; nakulengera aha maizi ga Meriba.

⁸ Iwe ihanga lyange hulira nkutatire! Iwe Isiraeli, naho kawakumpuliliza!

⁹ Otalironda ruhanga omunyamahanga, otalibandamira ruhanga ondijo.

¹⁰ Inye n'inye Mukama Ruhanga wawe, ayakwihire omu nsi ya Misiri. Yashamura muno akanwa kawe, nkaijuze.

¹¹ Kyonkai eihanga lyange tilimpulilize; Isiraeli yayanga kumpulira.

¹² Kityo nabaleka aha rw'obutagambirwa bwabo, bakore ekyo balikwenda.

¹³ Kyonkai kuba eihanga lyange lyaba nilimpulira, ka Isiraeli yakukwete emihango yange!

¹⁴ Nakwanguhire nsinga ababisha babo, ababaita kubi mbaita,

¹⁵ abanoba Omukama babwerabwera omu maishoge, mara basilika eirai lyona.

¹⁶ Inywe nakubagabiire engano nungi, mbaigusa obwoki bw'omu mpako y'eibare.”