Ezaburi 42 - Ebibulia 2001

EKITABO KYA KABILI ( Zab 42–72 ) Ruhanga shubi y'omushashe

¹ Nk'okwo enjaza eyegomba enchuro z'amaizi, nikwo omwoyo gwange gulikukwegomba, waitu Mukama.

² Omwoyo gwange gwina eiliho lya Ruhanga, Ruhanga asingire. Ndija maki nkabona obuso bwa Ruhanga!

³ Amalira nigo gaba kyakulya kyange nyemishana n'ekiro, aho abantu batalekire kunshesheza, bakwese, “Ruhanga wawe alihai?”

⁴ Ebi nimbijuka, kangambe obumaramunda; okwo nagenzire n'embaga, nkabebembera guli muramago, omuli Rwensinga ya Ruhanga, nitweshanda, nituhoya, nitusima, tuli nteko twakora amalili.

⁵ Kiki nk'ojunaire mwoyo gwange? Kubaki noyanja? Oyesige Ruhanga; kuba ndashuba musingize, omujuni wange, Ruhanga wange.

⁶ Omwoyo gwange gwina obujune, kityo ndakwijuka, kwema ensi ya Yorudani na Herimoni, kwema Eibanga lya Mizari.

⁷ Omutunga gw'amaizi nigwetangana n'ogundi, orwo galikuhinda nigasongoka aha bulengo; amayengo gona n'amakonje gambunda.

⁸ Nyemishana Omukama asinge ayolekye ekishakye, nirwo ndamuhoyera omu kiro, nkashaba ahali Ruhanga antunga oburora.

⁹ Ruhanga, rwazi rwange, nimubaza nti, “Kiki nka wanyebwa? Omubisha nka yambonesa enaku, amalira gakambaho?

¹⁰ Ababisha bange banshasa, okw'obona engoga nejuhiza, tibalikwosha kunshesheza, bakwese, ‘Ruhanga wawe alihai?’ ”

¹¹ Kiki nk'ojunaire, mwoyo gwange, kubaki noyanja? Oyesige Ruhanga, kuba ndashuba musingize, omujuni wange, Ruhanga wange.