Ezaburi 22 - Ebibulia 2001

Obushasi bw'omugorogoki n'eshubiye

¹ Ruhanga wange, Ruhanga wange, nka wannagirana? Ndiho nintaga, nk'otalikunjuna n'akake?

² Waitu Ruhanga wange, nyemishana nintaka, kyonkai tolikuhorora; n'omu kiro kwakwo, kyonkai byabura nshai.

³ Kandi iwe oli mutakatifu, n'iwe Isiraeli asingiza.

⁴ N'iwe batat'enkurw'ichwe bayesigaga; bakakwesiga wabarokora.

⁵ Bakakutakira wabakiza; bakakwesiga, tiwabanagiraine.

⁶ Kyonkai inye ndi kahuka, tindi muntu, abantu nibanjangura, amahanga nigangaya.

⁷ Abalikumbona bona nibasheka, nibannonkya, nibaneganegya emitwe;

⁸ bakwese, “Akesiga Omukama, namurokore, namurokore orwo amwenda.”

⁹ Kyonkai iwe n'iwe wanyihire omu nda ya mawe; n'iwe wandindaga nkyayonka.

¹⁰ Nyesigayo iwe kwema okuzarwa kwange, kuruga mawe anzaire oba Ruhanga wange.

¹¹ Otannagirana ndi omu naku, kyonkai ow'okunjuna alihai?

¹² Ababisha banzingoire nk'obuhyo bw'enumi, enumi za Bashani ez'amaani zinzingoire;

¹³ zinyashamuliire akanwa, okw'obona entare nesinda oku netagatagura;

¹⁴ nsheshekire nk'amaizi, amagufa gange gasikukire omu ngingo; omutima gwange gwayagilira nk'enta.

¹⁵ Tinkiina mani, nyomangaine nk'oruguhyo; orulimi rwakwatangana n'enshaya; wantabira omu nyanga.

¹⁶ Embwa zimbumbiliire; ababi bantekeire ekisimba embaju zona; banyigwire ebiganja n'ebilenge.

¹⁷ Amagufa gange gona nakugabara; ababisha bange bantunuliire, bashamaire.

¹⁸ Emyendo yange bagishonda, ekanzu bagitekera enshoga.

¹⁹ Kyonkai waitu Mukama, iwe otannagirana! Iwe mujuni wange rahuka onjune!

²⁰ Kiza omwoyo gwange aha mbanda, onkize aha mbwa ezi!

²¹ Ndokora omu kanwa k'entare; omwoyo gwange gujunaire, gwihye aha mahembe g'enumi zilikugwa kubi!

²² Eby'onkoleire ndabibarulira barumuna bange, nkuhaisilize omu nteko.

²³ Inywe abatina Ruhanga mumusingize! Batabani ba Yakobo inywena mumusingize, mumutine inywe inywena batabani ba Yakobo!

²⁴ Aha rw'okuba tanuga munaku, kandi k'ali omu bushasi namufaho; tamweshelekire, ekiliho amuhuliire, orwo amutakiire.

²⁵ N'iwe ntabuko y'okusingizibwa kwange omu nteko, nkuhongere ebitambo ebyo naragaine omu maisho g'abali bawe.

²⁶ Abanaku nibaija kulya bakaiguta; abahiga Omukama bamusingize! Mubeho eirai lyona!

²⁷ Amahanga gona garaijuka Omukama. Bararuga buli nsi bamugarukire; enganda zona z'ensi ziramufukamira.

²⁸ Obukama buba bw'Omukama, n'iwe atwara amahanga.

²⁹ Ego, ab'eikuru bona baramubandamira; banyakufa bona abatakwiruka rufu, baramugwa omu maguru.

³⁰ Emizarwa y'obukiro obulija elimukolera; amakuru g'Omukama abantu baligabarulira omuzarwa ogulija.

³¹ Baligambira abatakazairwe okwo yabarokoire; taliho ondijo, ni wenene.