Ezaburi 21 - Ebibulia 2001

Esiimi aha rw'okusinga kw'omukama

¹ Nashemelerwa omukama, aha rw'enshonga waitu Mukama omuhaire amani; kishandukireki kubona okw'omwemiremu!

² Omuhaire ekyo ayenda, wahulira okutakakwe.

³ Omuhabukiire wamuha emigisha y'amani; wamujweka orukinga rw'ezahabu enchenkure aha mutwe.

⁴ Akakushaba oburora wabumuha, yarama, yamelera.

⁵ Ekitinwakye kingi, aha rwa iwe kumwemamu; omuhaire eiranga n'obukuru.

⁶ Omuhindwire kilimugisha, ow'amani eirai lyona; omu kuba hamoi nawe nomuha ebyera.

⁷ Omukama ayesiga Ruhanga, taliba kantu aha rw'ekisha kya Rukirabyona.

⁸ Iwe mukama, ababisha bawe olibakwata obunyangaro; abakunoba bona baliba ndore zawe.

⁹ K'alibabona alibokya bamengetuke. Aha rw'ekinigakye Omukama alibasilikya, omuliro gubasosotore.

¹⁰ Omukama alisilikya oruzaro rwabo, abana babo bachweke omu bantu.

¹¹ Baname kukukora kubi, nangu bakugendelere, kyonkai tibalishobora.

¹² Olibarasha emyambi, obatamagye.

¹³ Bakuhaisilize waitu Mukama, aha rw'amani gawe! Naichwe tuhoye tusingize obushobora bwawe.