Ezaburi 149 - Ebibulia 2001

Ruhanga milembe ya Isiraeli

¹ Musingize Omukama, Haleluya! Muhoyere Omukama oruhoya ruhya, asingizibwe omu nteko y'abatakatifube!

² Isiraeli ashemelerwe Omutonziwe, abantu ba Sioni bashandukire Mukama wabo!

³ Basingize eibaralye nibachoka, nibahoya nibatera enanga n'obudiika!

⁴ Kuba Omukama ashemelerwa abantube; abajege abatunga emilembe.

⁵ Abatakatifu orwo basinga beshande; barare nibazina akanyahwera.

⁶ Basingize muno Ruhanga n'amaraka gabo, bakwete embanda z'amogi gabili omu mikono.

⁷ Behoroze amahanga bagabonabonyie,

⁸ abakama bago babakome empingo z'ekyoma, n'abarangira bago empingo z'ekyoma,

⁹ bababonabonyie nk'okwo kyahandikirwe! Eki nikyo kitinwa ky'abatakatifube bona. Musingize Omukama, Haleluya!