Ezaburi 141 - Ebibulia 2001

Ruhanga oba mujuni wange

¹ Waitu Mukama, nakutakira; yanguha onjune, bahulire eiraka lyange, orwo ndikukutakira!

² Enshara yange echunke nk'obunuma omu mabona gawe, ekiimukize ky'emikono yange kishushe ekitambo kya bwaigoro!

³ Waitu Mukama, bandindire akanwa kange, kandi ogume ondindire emigambire yange!

⁴ Omutima gwange otagwolekeza aha kibi kyona kyona, kwikara ninkora ebikorwa bibi, ninkuuza n'abantu abakora entambara, nangu n'ebibanulira ntabilyaho!

⁵ Omuntu murungi antere anga antobokere nasindikwa obufura, kyonkai amajuta g'omubi gatalingya mu mutwe; kuba buli kanya mbashabira kabalekera amafu.

⁶ Kabaliba banagirwe omu mikono y'abaramuzi, aho balimanya okwo ekigambo ky'Omukama kiba ky'amazima.

⁷ Nk'okw'obona orwazi orw'omuntu ayasa akashuba akarusinjagulikya ahansi, nikwo na bonene amagufa gabo baliganaganaga aha munwa gwa Sheoli.

⁸ Kyonkai amaisho ngahangire iwe waitu Mukama Ruhanga; obwirukiro bwange n'iwe; otansiga ntaina wa kundinda!

⁹ Ondinde ntagwa mu mutego ogwo bantegire, ntagwa na mu mitego ya bafakare!

¹⁰ Ababi nibakagwe omu mitego eyo betegeire, kyonkai inye nkire.