Ezaburi 14 - Ebibulia 2001

Akabi kagwera ababi

¹ Omufano atekeleza ati, “Ruhanga tabayo.” Bajangukire, nibakora ebihemu, taliho n'omoi akora kurungi.

² Omukama ayemire omw'iguru alebire abantu, amanye nka halimu abaina amagezi, abalikumwitanira.

³ Bona balyenagiremu, bona bajangukire kumoi; taliho n'omoi akora kurungi, nangu n'ow'omubazi.

⁴ Isi abafakare tibalikumanya? Ebyo banyaga abantu bange nibyo baroleraho, Omukama tibamushomaho nshara.

⁵ Baligira obutini bungi, kuba Ruhanga ayemiremu abagorogoki.

⁶ Inywe bafakare nimujamya omujege, kyonkai Omukama nibwo buhungirobwe.

⁷ Singa oyeme Sioni orokore Isiraeli! Orw'Omukama aligarura endore z'eihangalye, Yakobo alishanduka, Isiraeli alishemelerwa.