Ezaburi 132 - Ebibulia 2001

Enkorwamajuta y'oruganda rwa Daudi

¹ Waitu Mukama, gilira Daudi ekisha, oijuke enaku zona ezo yayemeire.

² Ijuka okwo yanahiliire Omukama, akaraganisa n'Omushobora wa Yakobo, ati,

³ “Tinditaha mwange handiki kutemba aha kitabo;

⁴ tindikunda kunagira, anga kutaho rugohe,

⁵ kuhika orwo ndibonera Omukama obwikaro, mbonere Omushobora wa Yakobo obusingiro.”

⁶ Leba, tukakihulira tuli Efurati, twakishanga n'omu marungu ga Yearimu.

⁷ Nirwo twagambire tuti, “Katutahe omw'ihemalye; tugye aha katebe k'alibatiire tumufukamire!”

⁸ Waitu Mukama imuka ogye omu businge bwawe, iwe hamoi n'Esanduku emanyisa amani gawe.

⁹ Abakuhani bawe bambare obugorogoki, n'abali bawe batemu empundwi.

¹⁰ Oliho Daudi omwiru wawe, leka kwesheleka enkorwa majutayawe.

¹¹ Omukama akarahilira Daudi ekiragano ekilikwo, ekyo atalihindura, ati, “Omoiho omu baana b'orura rwawe, ndimuteka aha nketo yawe.

¹² Ka batabani bawe balyekomya endagano yange n'emiku yange eyo ndibegesa, batabani babo kwakwo baliikalira enketo yawe.”

¹³ Ahakuba Omukama akaronda Sioni; yagyenda k'eba busingirobwe, ati,

¹⁴ “Obu nibwo buturo bwange obw'eirai lyona; aha niho ndatura, orwo mpagondize.

¹⁵ Emyaka ya Sioni ndagihaga omugisha gungi muno; n'abanaku bayo mbaiguse omukate.

¹⁶ Abakuhani bayo mbarokore, n'abarungi bayo bazine akanyahwera.

¹⁷ Mwonene omwo omu baijukuru ndihyamu omukama w'amani; enkorwamajuta yange nagihaire omusika.

¹⁸ Ababishabe mbakwase enshoni, kyonkai wenene orukingarwe rwengelere.”