Ezaburi 110 - Ebibulia 2001

Oli mukuhani nka Melikisedeki

¹ Omukama akagambira mukama wange ati, “Ikara aha mukono gwange ogwa bulyo, kuhika orwo ndinaga ababisha bawe omu maguru gawe.”

² Omukama alyemya Sioni obukama bwawe bw'amani. Obe mukama w'ababisha bawe!

³ Abantu bawe balyehayo n'obweyendezi bwabo, kir'ekyo olyebembera eihe lyawe, olitwete aha mabanga agatakatifu. Abasigazi bawe balikukuratira aha mabanga gatakatifu okw'obona orume rw'omu rukyakya.

⁴ Omukama akarahira mara talichwa igambi, ati, “Oli mukuhani eirai lyona omu mugenzo gwa Melikisedeki.”

⁵ Omukama asingiire aha bulyo bwawe; kiro ky'alinigara alisinga abakama.

⁶ Aliramura amahanga agaijuze emirambwe; alisinga abakama omu nsi zona.

⁷ Alinywa amaizi aha kagera k'aha muhanda, nikyo kilimuha okusinga endashana.