Emigani 22 - Ebibulia 2001

¹ Hakili kurondaho eibara lirungi kushaga eitunga lingi, nikigasha kushaga okugira efeza anga ezahabu.

² Omutungi n'omunaku bateranira hamoi, bombili Omukama niwe mutonzi wabo.

³ Omugezi abona akabi ayesheleka, nawe omulenga aketumbikamu zimulya.

⁴ Omuntu k'agira obwetohya akatina Omukama, arongorwa eitunga, ekitinwa n'oburora.

⁵ Abakora kubi omuhanda ogwabo guba gw'amahwa n'emitego, omuntu ayelinda alibyeshumba.

⁶ Omwana omulerere omu ntwaza ey'aragiirwe kurabamu, k'aliba yakuzire taligirugamu.

⁷ Omutungi atwara omunaku, n'ayehoza aba mwiru w'ayamuhora.

⁸ Abiba ebibi aligesha enaku, kandi enaku ez'abonesa banu zililekera.

⁹ Alebesa abandi elisho ly'obufura alihabwa oburora, ahakuba aha abaanaku ekyakulya.

¹⁰ Binga enjumangani endwano zihwe, enkungana n'okujumangana bilekere.

¹¹ Agonza omutima gurungi mara akagambage, ogwo alinywana n'omukama.

¹² Amaisho g'Omukama galinda amazima, kyonkai ababi abamara amagambo.

¹³ Omunafu agamba ati, “Enja haliyo entare,” ashuba agamba ati, “Nibaija kunyitira omu mbarabara.”

¹⁴ Akanwa k'omukazi enjanga kashusha ekinyanga ekili okuzimu, ow'Omukama alitamwa alikigwamu.

¹⁵ Omwana muto obufera bubabwe, ekishanju nikyo kibumumaramu.

¹⁶ Abonesa omunaku enaku kumutungiraho, anga kutungisa banu, alinakwara kushai.

Enfumu makumi gashatu ez'obumanyi

¹⁷ Tega okutwi ohulire ebyo Bumanyi alikugamba, ebyo ndikukwegesa obiteho omutima,

¹⁸ aha rw'okuba kiraba kirungi k'orabyekomya, mara oshube obijulize byona.

¹⁹ Nabikumanyisa bumanyisa kir'eki, obone kuta noyesiga Omukama.

²⁰ Tinkuhandikiire nfumu makumi gashatu, ez'emihano n'obumanyi,

²¹ kukwoleka ebirungi mara eby'amazima, obone kutwalira abakutumire empororo elikwo?

²² Otalyaka munaku ngu orwo ali munaku, anga kushasiza kimoi abagingiizibwe abaizire kutoija,

²³ orw'okuba Omukama alibaramulira, ashube atinise abatura nibabatinisa.

²⁴ Otalinywana na muntu wa kiniga, anga kugenda n'alikwanguha kutamwa,

²⁵ otalija okamurondora okekwatiza mu mutego.

²⁶ Bataligira misimbo okabahondera, kuba bakwatiliza ebintu kulya amabanja.

²⁷ K'oburwa eky'okushashura, otaishura n'ekitanda kyawe?

²⁸ Otalisimbura kiramura kya bagurusi, ekyo bashwenkuru basimbire.

²⁹ Omuntu alikukoza omulimogwe obubuya nomubona? Ogwo aliramata abakama, taliramata bantu ba ndilyo.