Emigani 2 - Ebibulia 2001

Akarungi k'obumanyi

¹ Mwana wange, k'oraikiliza ebigambo byange, ebyo ndikukuragira okabiteka aha njoka,

² okahuliliza muno obumanyi, notaho amani gangi kushobokerwa,

³ k'orashaba obumanyi, okashaba n'okushobokerwa,

⁴ obumanyi okabuhiga nk'efeza, okabushokora nk'amadini,

⁵ aho orashobokerwa okutina Omukama, omanye na Ruhanga.

⁶ Enshonga obumanyi buruga ahali Mukama, niwe agamba eby'obumanyi n'amagezi,

⁷ niwe ntabuko y'obumanyi bw'abagorogoki, niwe ngabo y'abesigwa,

⁸ alinda abakolera banu amazima, ayemera n'abesigwa ba wenene.

⁹ Ahanyuma orashobokerwa obugorogoki n'amazima, obwesigwa na buli ntwaza nungi.

¹⁰ Oragira obumanyi, n'amagezi gakushemelere.

¹¹ Amagezi garakulindaga, n'okushobokerwa kukwemere,

¹² bikulinde okukora kubi, bikujune n'abantu abagamba kubi,

¹³ abanga kukora eby'obugorogoki, bakakora eby'omwilima,

¹⁴ bakashemelerwa okufakara, ebya katozi bikaba nibyo bibashemelera.

¹⁵ Aba nibo bantu enjanga, abekoza ebitaragiirwe.

¹⁶ Aho olikira aha mumalaya, omukazi ataina nshoni aina akalimi karungi,

¹⁷ asigaho iba ayamwebohoire, akebwa endagano ya Ruhangawe.

¹⁸ Okugya omwa wenene nikyo kimoi n'okugya omwa rufu, omukazi owab'ogu aisa,

¹⁹ abagya omw'omumalaya ogwo tibagaruka, oburora tibabubona rundi.

²⁰ Kityo orondore abantu abarungi, okore eby'abagorogoki bakora.

²¹ Kuba abagorogoki nibo balilya ensi, n'abantu abesigwa nibo baligituramu,

²² kyonkai ababi balichweka omu nsi, n'engobya tiziligituramu.