Emigani 19 - Ebibulia 2001

¹ Hakili omunaku alikukora eby'obuntu, kushaga alikugamba kubi omu kanwa mara mufera.

² Omuntu okutagira magezi ti kirungi, kandi okugenda amaguru gatali hansi kunagisa omuhanda.

³ Obufera bw'omuntu kabumwisa, anigalira Omukama aha mutima.

⁴ Orwo otungire, abatahi oikara nobona bangi, kyonkai omunaku mutahiwe amuhwaho.

⁵ Omujulizi w'ebishuba taliburwaho kibonabonyio, n'agamba ebishuba talikira.

⁶ Omuntu enfura airukirwa bangi, buli omoi agonza omuntu ataishura.

⁷ Omunaku yanobwa abarumuna bona, lero batahibe baburwe kumutantara? Mara ashuba abaragiraho kyonkai tababona.

⁸ Ow'obumanyi ayegasira, aikara ali mugezi aligoshoka.

⁹ Omujulizi w'ebishuba taliburwaho kibonabonyio, n'agamba ebishuba alisilika.

¹⁰ Tikisaine omufera kugoijagira, leronu kandi omwiru kuba niwe atwara oruganda rw'abakama.

¹¹ Ow'amagezi garungi tayanguha kunigara, kandi okugaya ekyo bamutamisize kumuhaisa ekitinwa.

¹² Omukama k'anigara ashusha entare elikusinda, kyonkai embabazize zishusha orume oruraire aha bunyasi.

¹³ Omwana omufera aisa ishe, kandi omukazi akungana ashusha enjura y'orube.

¹⁴ Enju n'eitunga abantu babisika ahali baishebo, kyonkai omukazi omugezi aruga aha Mukama.

¹⁵ Obunafu buletera omuntu oturo tungi, omuntu omunafu aralibwaga enjara.

¹⁶ Ahikya emihango akiza oburorabwe, kandi enyanga kugambirwa elifa.

¹⁷ Agilira omunaku ekisha ahora Omukama, ekikorwakye ekyo alikimurongolera.

¹⁸ Omwana wawe omuhane hakyaliho eshubi, otagonza kubona nsi nemuhinduka.

¹⁹ Ow'ekiniga kingi aragiraga endihi, kuba n'okumuchungura tomuchungura limoi lyonkai.

²⁰ Bakuhanulire ohulire, bakutegekere oikilize, nirwo ahanyuma oligira obumanyi.

²¹ Omuntu omu mutwegwe agendelera bingi, kyonkai ekyo Omukama agendeleire nikyo kibaho kikahama.

²² Ekilikwetagwa omu muntu bwesigwa, kandi nikikira okuba munaku kushaga okugamba ebishuba.

²³ Okutina Omukama kugiza oburora, atina Omukama tahwahwana, taliba kantu.

²⁴ Omunafu ajumbika omukono omu kiihuro, ashuba alemwa kwetamika.

²⁵ Tera agaya banu, omulenga aije ayege, kandi k'ohana ow'amagezi amanya.

²⁶ Ayema kubi ishe akabinga na nyina, ogwo aba mwana ashonaza mara ajumisa.

²⁷ Lekera mwana wange, batakuhana okafa gahuliliza, orwo ebigambo by'obumanyi tobyetaireho.

²⁸ Omujulizi ow'ebishuba ajaburura amazima, kandi omubi alya entambara.

²⁹ Abagaya banu baliramurwa, kandi abafera balibashatura emigongo.