Emigani 11 - Ebibulia 2001

¹ Omunzani ogutaina mazima gutama Omukama, kyonkai ebipimo ebilibyo bimushemelera.

² Eikuru lizarukanwamu ekihemu, kyonkai obumanyi bugirwa abetohya.

³ Obwesigwa bw'omugorogoki nibwo bumuhabura, kyonkai obulyalya bw'engobya bubaisa.

⁴ Orufu karwaizire eitunga tiligasha kantu, kyonkai obugorogoki burokora omuntu omu mikono ya rufu.

⁵ Obugorogoki bwa nyakatetere bumwikaza omu mazima, kyonkai omubi obubibwe nibwo bumwisa.

⁶ Obugorogoki bw'omugorogoki bumurokora, kyonkai engobya zitwa obunyama.

⁷ Omubi k'afa eshubiye ehwaho, n'eshubi y'atatina Ruhanga efa bushai.

⁸ Omugorogoki akabi akakiraho, kyonkai omubi agwa omu kabi ako.

⁹ Akanwa k'atalikutina Ruhanga kaisa mutahiwe, kyonkai omugorogoki obumanyi bumurokora.

¹⁰ Omugorogoki k'abage ekigo kishemelerwa, n'omubi k'afa abantu bashemelerwa muno.

¹¹ Omugisha gw'omugorogoki gugiza ekigo eiranga, kyonkai akanwa k'omubi kaisa ekigo ekyo.

¹² Agaya mutahiwe aba ataina magezi, kandi ow'amagezi ayesiza.

¹³ Omuntu agonza okubarura amakuru ayata enama, kyonkai omwesigwa abika enama egyo omu mwoyo.

¹⁴ Mbali abahabuzi batali abantu bafa, kandi mbali abategeki bali bangi habaho emilembe.

¹⁵ Ayesimbira ow'atalikumanya ayejuma, kandi atagonza kwesimbira banu agira emilembe.

¹⁶ Omukazi ayekunira akunirwa, n'abashaija entwagu batunga.

¹⁷ Omushaija omufura ayegasira, kyonkai omukatili ayeshasa.

¹⁸ Omuntu mubi abona emperwa omu kulyomejanyia, kyonkai akora eby'obugorogoki abona emperwa emusaine.

¹⁹ Aliguma omu bugorogoki alirora, kandi akora kubi alifa.

²⁰ Ab'omutima gubi Omukama tabenda n'akake, kyonkai abakora eby'obugorogoki abashemelerwa.

²¹ Omanyire kimoi okwo omubi ataliburwa kibonabonyio, kyonkai abali bagorogoki balirokoka.

²² Omukazi murungi ataina magezi, nashusha empeta y'ezahabu omu nyindo y'empunu.

²³ Omugorogoki eby'agonza biba birungi, kyonkai eby'omubi ashubira bimurugiramu ekibonabonyio.

²⁴ Omuntu aha alitunga ashageho, kandi aima aburabulirwa.

²⁵ Omuntu enfura alitunga, kandi ajuna banu alijunwa.

²⁶ Alikwima abantu engano bamuraama, kyonkai agibaguza bamuha omugisha.

²⁷ Aitanira kukora kurungi agonzibwa, kandi aitanira okukora kubi aterwa enaku.

²⁸ Ayesiga eitungalye alifa, kyonkai omugorogoki aligeija nk'akababi kabisi.

²⁹ Aisa ekaye omwaga aliimuka bushai, kandi omufera aliba mwiru w'omumanyi.

³⁰ Eby'omugorogoki akora biba muti gw'oburora, kyonkai obutakwata Mateka bwisa.

³¹ K'omugorogoki araba abona ekibonabonyio omu nsi, isi lero omubi n'omufakare balishurwaki?