Embandizo 36 - Ebibulia 2001

Oruzaro rwa Esau

¹ Oru nirwo ruzaro rwa Esau, Esau niwe Edomu.

² Esau akashwera Abakanaani: Ada muhara wa Eloni, Omuhiti, Oholibama muhara wa Ana, Ana eya Zibeoni Omuhivi,

³ na Basemati muhara wa Ishimaeli, munyanya Nebayoti.

⁴ Ada akazalira Esau Elifazi; Basemati yamuzalira Reweli;

⁵ kandi Oholibama yamuzalira Yeushi, Yalamu na Kora. Aba nibo batabani ba Esau abo yazalire Kanaani.

⁶ Esau akwata abakazibe n'abaanabe, n'omutungogwe gwona, enteze, ebitunganwabye byona, n'eitungalye lyona elyo yaboneire Kanaani, agya omu nsi endijo harai n'omurumuna Yakobo.

⁷ Aha rw'okuba eitunga lyabo likaba lili lingi muno ahali bonene kutura hamoi. Ensi eyo babaire bafurukiiremu tiyashoboire kubamara aha rw'ebitunganwa byabo.

⁸ Nikwo Esau kutura omu mabanga ga Seiri.

⁹ Oru nirwo ruzaro rwa Esau ishenkuru Abaedomu omu mabanga ga Seiri.

¹⁰ Amabara gabo nig'aga: Elifazi owo yazaire ahali Ada na Reweli owo yazaire ahali Basemati.

¹¹ Batabani ba Elifazi ni Temani, Omari, Zefo, Gatamu na Kenazi.

¹² Elifazi eya Esau akaba aina ensholeke neyetwa Timuna, yagizaraho Amaleki.

¹³ Batabani ba Reweli ni Nahati, Zera, Shama na Miza. Nyinenkurubo kizara ishebo ni Basemati.

¹⁴ Batabani ba Esau abo yazaire ahali Oholibama muhara wa Ana eya Zibeoni ni Yeushi, Yalamu na Kora.

¹⁵ Ezi nizo nganda ezilikutabuka ahali Esau. Abagurusi abalikutabuka ahali Elifazi omuzigaijo gwa Esau ni Temani, Omari, Zefo, Kenazi,

¹⁶ Kora, Gatamu na Amaleki. Abagurusi aba ba Edomu nyinenkurubo kizara ishebo Elifazi ni Ada.

¹⁷ Abagurusi abalikutabuka ahali Reweli eya Esau ni Nahati, Zera, Shama na Miza. Abagurusi aba ba Edomu nyinenkurubo kizara ishebo Reweli ni Basemati.

¹⁸ Abagurusi abalikutabuka ahali Esau abo yazaire ahali Oholibama ni Yeushi, Yalamu na Kora.

¹⁹ Abagurusi aba bona nizo nganda, bakatabuka ahali Esau, Esau niwe Edomu.

Baijukuru ba Seiri

²⁰ Aba nibo banyansi ba Edomu, baijukuru ba Seiri Omuhori: Lotani, Shobali, Zibeoni, Ana,

²¹ Dishoni, Ezeri na Dishani. Nibo bagurusi b'enganda z'Abahori okwo balikutabuka ahali Seiri.

²² Batabani ba Lotani ni Hori na Hemani; kandi baina ishenkazibo, Timuna.

²³ Batabani ba Shobali ni Aluvani, Manahati, Ebali, Shefo na Onamu.

²⁴ Batabani ba Zibeoni ni Aya na Ana, Ana ayaboine enchuro zilikwokya omw'irungu orwo yabaire nalisa endogobe za ishe.

²⁵ Ana aina omutabani Dishoni n'omuhara Oholibama.

²⁶ Batabani ba Dishoni ni Hemudani, Eshibani, Itirani na Kerani.

²⁷ Batabani ba Ezeri ni Bilihani, Zaavani na Akani.

²⁸ Batabani ba Dishani ni Uzi na Arani.

²⁹ Aba nibo bagurusi b'enganda z'Abahori omuli Edomu: Lotani, Shobali, Zibeoni, Ana,

³⁰ Dishoni, Ezeri na Dishani.

Abakama ba Edomu

³¹ Aba nibo bakama abatwete ensi ya Edomu, Isiraeli etakatwetwe mukama wena wena:

³² Bela eya Beori akatwara Edomu, ayemire omu kigo kya Dinahaba.

³³ Bela afa, Yobabu eya Zera owa Bozira amusikira.

³⁴ Yobabu afa, Hushamu owa Temani amusikira.

³⁵ Hushamu afa, Hadadi eya Bedadi, ayasingiire Midiani omuli Moabu amusikira; akatwalira omu kigo kya Aviti.

³⁶ Hadadi afa, Samula owa Masireka amusikira.

³⁷ Samula afa, Shauli owa Rehoboti aha Mwiga gwa Efurati amusikira.

³⁸ Shauli afa, Baalihanani eya Akibori amusikira.

³⁹ Baalihanani eya Akibori afa, Hadadi amusikira; atwara ayemire omu kigo kya Pau. Mukaziwe akaba ali Mehetabeli muhara wa Matiredi, Matiredi muhara wa Mezahabu.

⁴⁰ Aga nigo mabara g'abagurusi abalikutabuka ahali Esau kuhonderana n'enganda zabo n'obuturo bwabo: Timuna, Aluva, Yeteti,

⁴¹ Oholibama, Ela, Pinoni,

⁴² Kenazi, Temani, Mibuzari;

⁴³ Magadieli na Iramu. Nibo bagurusi ba Edomu, Edomu niwe Esau, kuhonderana n'obuturo bwabo omu nsi yabo eyo baliire.