Danieli 12 - Ebibulia 2001

Amaheleruka

¹ “Omu makiro galinya, Mikaili omumalaika mukuru, omwemezi w'eihanga lyawe alija. Halibaho enaku ezitakabonekaga kwema abantu batonzirwe. Kyonkai omu biyengo ebyo eihanga lyawe lilihunga, nikwo kugamba bona abaliba bahandikirwe omu kitabo.

² Abafu bangi balihimbuka; omuli abo halimu abalibona oburora burungi obutalihaga, abandi babone enaku ezitagambwa ez'eirai lyona.

³ Ab'amagezi balyaka nk'enyanyinyi. Abegesa banu okuba bagorogoki abo balyaka nk'enyanyinyi eirai n'eirai.

⁴ Kyonkai iwe Danieli, ebigambo ebi obibiike, n'ekitabo okiteho omuhuri kulemwa kugoba aha maheleruka. Abantu batali bake balitabuuza kushobokerwa ebyo ebilibaho.”

⁵ Aho mbona abandi babili, omoi ayemeleire rukungu oru rw'omwiga, ondijo ayemeleire aha rusigaire.

⁶ Aho mbaza omumalaika ayabaire ajwete kitani, ayemeleire omu mwiga eiguru omu rwerwerwe nti, “Eby'okutangaza ebi nibija kuhwera nkahai?”

⁷ Omumalaika ajwete kitani, okwo ayemeleire omu mwiga eiguru omu rwerwerwe, aimukya emikonoye yombili eiguru. Mpulira ayarahira najuliza Ruhanga Nyakumeleera okwo biraba by'akaanya kagufi ak'emyaka ebili n'enusu. Yagamba okwo orwo eihanga lya Ruhanga lililekera kugingizibwa, niyo eliba ndekelero y'ebitangazo ebi.

⁸ Nkahulira kushai, tinashobokeirwe. Aho mbaza nti, “Mukama wange, omu halirugwamuki?”

⁹ Amporora ati, “Ogende, ogende, Danieli, empororo teliho kuhika aha maheleruka.

¹⁰ Bangi balyeshemeza, bere, bashemere gei gei gei; kyonkai ababi tibalihinduka, mara taliho n'omoi alishobokerwa. Nawe ab'amagezi balishobokerwa.

¹¹ Kwema orwo ebihongo by'okwokibwa bilitangwa, n'Eihano Nyabuhano likagya aha alutare (omuli Rwensinga), haliba hasigairweyo ebiro 1,290.

¹² Baberwa abaliguma bali besigwa bakamarayo ebiro 1,335!

¹³ Iwe ogendere kimoi kugoba aha maheleruka. Ahanyuma olifa, kyonkai olihimbuka, otungwe emperwa yawe aha maheleruka ago.”