1 Samweli 24 - Ebibulia 2001

Daudi nayanga kwita Shauli

¹ Orwo Shauli yarugire kubinga Abafilisiti, bamugambira bati, “Leba, Daudi ali Omw'Irungu lya Engendi.”

² Shauli akwata abashaija 3,000 abo yaronzire omuli Isiraeli yona, agenda bwolekera Enyazi z'Ensa kuhiga Daudi n'abashaijabe.

³ Agobera abiraro by'entaama bwatana aha muhanda, mbali habaire ali empako, atahamu kwejuna. Daudi n'abashaijabe bakaba bashuntamire omu mpako omundakwakwa.

⁴ Abashaijabe bamugambira bati, “Eki nikyo kiro eky'Omukama yakugambire ati, ‘Leba, ndakunaga omubisha wawe omu mikono, omukore okwo orayenda.’ ” Daudi aimuka agenda nashoita ashara omukugiro gw'ebebo ya Shauli.

⁵ Ahanyuma enkuratima emutera aha rw'okushara omukugiro gw'ebebo ya Shauli.

⁶ Agambira abashaijabe ati, “Nikikabure kukora nti mukama wange, enkorwa mujuta y'Omukama: Kuhiga kumwita okwo nimbona okwo ali nkorwa majuta y'Omukama.”

⁷ Kityo aba nikwo agwisiliza atyo abashaijabe n'ebigambo ebi, tiyabajubwire kutera Shauli. Shauli aimuka aruga omu mpako, akwata muhandagwe agenda.

⁸ Ahanyuma Daudi nawe aruga omu mpako, ayeta Shauli ati, “Rugaba rwange omukama!” Ka Shauli yakebukire, Daudi abandama obuso bukanga aha itaka, amuhabukya.

⁹ Amubaza ati, “Kubaki nohuliliza eby'abantu balikugamba bati, ‘Daudi nayenda kukwita?’

¹⁰ Bitai, kir'eki wabona okwo Omukama yaba akunagire omu mikono yange omu mpako? Abandi bangambira kukwita, kyonkai nakuleka. Nagamba nti, ‘Tindikwija kuziza mukono gwange ahali mukama wange, aha rw'okuba nkorwa majuta y'Omukama!’

¹¹ Olebe, tata, olebe omukugiro gw'ebebo yawe ngukwete. Okwo nashara ebebo yawe omukugiro ntakwisire, omanye mara obone okwo ntaina kabi ahali iwe anga kukubanja. Tinkufakaliire n'orwo olikumpiganisa kunyita.

¹² Omukama aturamure inye naiwe; Omukama abe niwe akunyeholera; kyonkai inye tindikwija kukwita.

¹³ N'orwo eb'eirai bachwire omugani bati, ‘Omubi arugwamu ebibi,’ inye tinkwite.

¹⁴ Omukama wa Isiraeli atabalire ohai? Obingire ohai? Obingire embwa efire? Obingire omukukuni?

¹⁵ Aha rw'ekyo Omukama abe niwe aba muramuzi, aturamure inye naiwe, niwe arabimanya akandamulira, akanyihya omu mikono yawe.”

¹⁶ Orwo Daudi yamazire kugambira Shauli abigambo ebyo, Shauli agamba ati, “Alikugamba niwe, Daudi mwana wange?” Alira muno.

¹⁷ Agambira Daudi ati, “Oli munyamazima kunshaga, aha rw'okuba wandongora ebirungi kandi inye nkurongoire ebibi.

¹⁸ Mara kir'eki wagamba akature okwo wankorage, orwo otanyita orwo Omukama yaba annagire omu mikono yawe.

¹⁹ Omuntu yakugwanishanyia omubishawe amuleka atyo agenda? Ahonu Omukama asinge ekurongore ebirungi aha rw'ekyo wankolera kir'eki.

²⁰ Mara mbwenu leba, namanya okwo orabakwo mukama, n'okwo obukama bwa Isiraeli buraguma omu mikono yawe.

²¹ Aha rw'ekyo onnahilire obuso bw'Omukama okwo otalichwa baijukuru bange n'okwo otalichwa ka yange.”

²² Eki Daudi akinahilira Shauli. Aho Shauli agya omuka, kyonkai Daudi n'abashaijabe batemba aha kitairongo.