1 Samweli 16 - Ebibulia 2001

Samweli nakora Daudi amajuta kuba mukama

¹ Omukama akambira Samweli ati, “Oraberahai n'okujunazibwa Shauli? Inye mwangire takiba mukama wa Isiraeli. Oijuze eihembe lyawe amajuta, oije nkutume, ndakutuma ahali Yese Omubetelehemu; omu batabani naronziremu omukama.”

² Samweli abaza ati, “Ngende ntai? Shauli k'arakihulira nanyita.” Omukama ahorora ati, “Ogende n'enyana y'enkiraiziba, ogambe oti, ‘Naija kutambira Omukama ekitambo.’

³ Oralize Yese aije aha kitambo, inye ndakwoleka eky'orakora. Owo ndakugambira omunkolere amajuta.”

⁴ Samweli akora okwo Omukama yamugambira, agya Betelehemu. Abagurusi b'ekigo bagya kumuchwekera nibajugumba, bamubaza bati, “Waitu miembe?”

⁵ Agamba ati, “Milembe, naija kutambira Omukama ekitambo. Mweshemeze mumpondere aha kitambo ekyo.” Ahasilira Yese n'abatabani, mara abaraliza aha kitambo.

⁶ Orwo bagobire, aleba Eliabu atekeleza ati, “Rwona ow'Omukama alikwenda kukora amajuta niw'ogu omu maishoge.”

⁷ Kyonkai Omukama amugambira ati, “Otaleba mizokereye anga kyemakye, ogu nimwanga. Okw'omuntu aleba tikwo Mukama aleba. Omuntu aleba emizokere y'aheru, kyonkai Omukama aleba aha mutima.”

⁸ Aho Yese ayeta Abinadabu amurabya omu maisho ga Samweli. Samweli ati, “N'ogu Omukama tamuronzire.”

⁹ Aho Yese arabyaho Shama. Samweli ati, “N'ogu Omukama tamuronzire.”

¹⁰ Ahanyuma Yese arabyaho abatabani mushanju omu maisho ga Samweli. Samweli amugambira ati, “Aba Omukama tabaronzire.”

¹¹ Ashuba amubaza ati, “Batabani bawe bona bali aha?” Yese ati, “Hasigarayo omuto muno, kyonkai nalisa entaama.” Samweli amugambira ati, “Tuma bamulete, atagobire aha titulikushuntaama.”

¹² Yese atuma bamuleta. Akaba nayera ali murungi aha maisho, murungi w'okulebwa. Omukama agambira Samweli ati, “Imuka omukore amajuta, ogu niwe.”

¹³ Aho Samweli akwata eihembe ly'amajuta, amukora amajuta omu maisho ga bakurube. Mwoyo wa Mukama abanda Daudi n'amani kwema kir'ekyo n'okugendelera. Samweli aimukya ashuba Rama.

Daudi omu kikaare kya Shauli

¹⁴ Omu bir'ebyo Mwoyo wa Mukama aruga ahali Shauli, Omukama amusindikira mwoyo omubi ata namwita kubi.

¹⁵ Abaramatabe bamugambira bati, “Mwoyo omubi owo Ruhanga akusindikiire nakwita kubi.

¹⁶ Mbwenu Mukama oturagire ichwe abairu bawe abakukurasire, tuhige omutezi w'enanga omubuya, orwo mwoyo wa Ruhanga ow'alikukusindikira k'arata kukwijaho, ogu akutelere enanga obege.”

¹⁷ Kityo Shauli abagambira ati, “Mumbonere alikumanya kugiterage, mumundetere.”

¹⁸ Omusigazi omoi agamba ati, “Mboine mutabani wa Yese owa Betelehemu, mubuya omu kutera enanga, mushaija emanzi mara yakurashana, nyegendeleza omu kugamba mara aina ekyema kirungi; kandi Omukama amulimu.”

¹⁹ Shauli atuma entumwa ahali Yese ati, “Ntwekera mutabani wawe Daudi omulisa w'entaama.”

²⁰ Yese akwata endogobe agitaho emikate, n'enfulebe y'edivai n'omwana gw'embuzi abitweka Daudi omutabani kubitwalira Shauli.

²¹ Daudi agoba omwa Shauli abanza kumukolera. Shauli amugonza muno, aba mukwasi w'ebikwatobye.

²² Shauli atuma ahali Yese ati, “Daudi agendelere kunkolera aha rw'okuba anganzire.”

²³ Buli orwo Ruhanga yasindikiraga Shauli mwoyo mubi, Daudi akwata enanga agitera; aho Shauli atukuruguka, abage, mwoyo mubi amurugamu.