1 Amakuru 9 - Ebibulia 2001

Abantu abarugire omu buzahe

¹ AbaIsiraeli bona bakabarwa kuhonderana n'amahiga gabo; kandi amakuru aga gahandikirwe omu Kitabo ky'Abakama ba Isiraeli. Abayuda bakabatwara Babiloni omu buzahe aha rw'okutesigwa kwabo.

² Ababandize kugaruka kutura omu butaka bwabo omu bigo byabo: BaIsiraeli, abakuhani, Abalevita n'abakozi ba Rwensinga.

³ Abayuda abandi, Ababenjamini, Abaefuraimu n'Abamanase abo bakatura Yerusalemu;

⁴ nibo baijukuru ba Peresi eya Yuda abakulirwaga Utai eya Amihudi, Amihudi eya Omuri, Omuri eya Imuri, Imuri eya Bani.

⁵ Kandi baijukuru ba Shilo bakaba bakulirwa Asaya omuzigaijogwe n'abatabani.

⁶ Baijukuru ba Zera bakaba bakulirwa Yeweli. Amahiga gona hamoi ag'oruganda rwa Yuda agatwire Yerusalemu ni 690.

⁷ Ababenjamini mukuru wabo akaba ali Salu eya Meshulamu, Meshulamu eya Hadovia, Hadovia eya Hasenua;

⁸ bakulirwa na Ibunua eya Yerohamu; na Ela eya Uzi, Uzi eya Makiri; na Meshulamu eya Shefasia, Shefasia eya Reweli, Reweli eya Ibunua.

⁹ Amahiga gona hamoi ag'oruganda rwa Benjamini nigagoba 956 agatwire Yerusalemu.

Abakuhani abatwire Yerusalemu

¹⁰ Abakuhani abatwire Yerusalemu ni: Yedaya, Yehoyaribu na Yakini;

¹¹ na Azaria eya Hilikia (Hilikia eya Meshulamu, Meshulamu eya Zadoki, Zadoki eya Merayoti, Merayoti eya Ahitubu omugurusi wa Rwensinga ya Ruhanga);

¹² na Adaya na Yerohamu (Yerohamu eya Pashuri, Pashuri eya Milikiya); na Maasai eya Adieli, (Adieli eya Yazera, Yazera eya Meshulamu, Meshulamu eya Meshulemiti, Meshulemiti eya Imeri).

¹³ Abakuhani ababaire bakulira ebika byabo nibagoba 1,760. Bamanyaga muno emilimo ya Rwensinga.

Abalevita abatwire Yerusalemu

¹⁴ Abalevita abatwire Yerusalemu ni Shemaya na Hashubu, (Hashubu eya Azirikamu, Azirikamu eya Hashabia, Hashabia eya Merari);

¹⁵ na Bakibakari, Hereshi, Galali na Matania eya Mika, (Mika eya Zikiri, Zikiri eya Asafu);

¹⁶ na Obadia eya Shemaya, (Shemaya eya Galali, Galali eya Yeduthuni), na Berekia eya Asa, (Asa eya Elikana). Aba baturaga omu byaro ebyataine Netofati.

Abakumilizi ba Rwensinga abatwire Yerusalemu

¹⁷ Abakumilizi ba Rwensinga abatwire Yerusalemu ni: Shalumu, Akubu, Talimoni, Ahimani n'abanyaruganda babo. (Shalumu niwe yabaire ali mukuru);

¹⁸ bakaba babataire aha Kihigi ky'Omukama rubaju orw'oburugaizoba. Aba nibo babaire bali bakumilizi b'Ekihigi ky'Orusisira rw'Abalevita.

¹⁹ Shalumu eya Kore, Kore eya Abiasafu, Abiasafu eya Kora, n'abanyaruganda ab'eihigalye, Abakohati nibo balebeleraga eikora ly'omwoga ogu, kukumilira ebihigi by'eihema, nk'okwo baishebo abalebeleraga orusisira rw'Omukama bakumiliraga aha kishasi.

²⁰ Obubere Finehasi omukuhani niwe yabaire ali mukuru wabo; Omukama akaba amulimu.

²¹ Zekaria eya Meshelemia akaba ali mukumilizi aha kishasi ky'Eihema ly'Omuterano.

²² Aba bona ababaire baronzirwe kuba bakumilizi b'ebishasi bakaba bali 212. Bakahandikwa kuhonderana n'amazarwa gabo omu byaro byabo. Omukama Daudi na Samweli omubonekerwa bakabakwasa omuruka ogwayetagaga obwesigwa.

²³ Kityo bonene na batabani babo balebeleraga ebihigi bya Rwensinga, nilyo Ihema. Bakaba bali balinzi.

²⁴ Abakumilizi b'ebihigi bakaba bali omu mbaju zona inai, oburugaizoba n'obugwaizoba, bikara na kasi.

²⁵ Abanyaruganda babo abaikaraga omu byaro byabo baragirwaga kwija buli biro mushanju, obutaita ibanga, kubaikaza.

²⁶ Abakumilizi abakuru abanai ababaire bali Balevita, nibo balebeleraga ebiyumba n'empanika ya Rwensinga.

²⁷ Bararaga bazingoire Rwensinga ya Ruhanga, nibo babaire bakwasibwe omuruka gw'okugilinda n'okugikingura buli bwankya.

Abalevita abandi

²⁸ Omuli abo abandi bakaba bakwasibwe ebikwato by'eikora, nobona baragirwaga kubyekomya aha kubishohoza n'aha kubitahya.

²⁹ Abandi bakaba baronzirwe kumanya ebikwato by'omu nju, nk'emeza n'entebe, n'ebikwato ebitakatifu byona, n'ensano, edivai, amajuta, obunuma n'emigaju.

³⁰ Abakuhani abandi batobaga emigaju.

³¹ Kandi Matitia omoiho omu Balevita, omuzigaijo gwa Shalumu Omukorahi yalebeleraga echapati.

³² Kwakwo abanyaruganda babo abandi Abakohati balebeleraga omukate gw'obusinge, kugukora buli Sabato.

³³ Abakuru abandi b'amahiga g'Abalevita, baturaga omu biyumba bya Rwensinga mara bataina mulimo gundi shana ogw'okuhoya kuba baikaraga aha zamu ekiro n'omushana.

³⁴ Aba bashangwaga bali bakuru b'amahiga g'Abalevita, kuhonderana n'emizarwa yabo, nibo bebembezi abaturaga Yerusalemu.

Baish'enkuru Omukama Sauli na baijukurube

³⁵ Yeyeli ishe Gibeoni yaturaga omu kigo kyoy'ahangwire akakyeta Gibeoni. Mukaziwe yayetwaga Maaka;

³⁶ omutabani omuzigaijo ni Abudoni, amukurasa Zuri, Kishi, Baali, Neri, Nadabu;

³⁷ Gedori, Ahio, Zekaria na Mikiloti.

³⁸ Mikiloti nazara Shimeamu. Aba nabo baikaraga n'abanyaruganda babo omuli Yerusalemu bataine.

³⁹ Neri nazara Kishi, Kishi nazara Sauli, Sauli nazara Yonatani, Malikishua, Abinadabu na Eshibaali.

⁴⁰ Yonatani akaba aina omutabani Meribaali, Meribaali niwe alikuzara Mika.

⁴¹ Batabani ba Mika ni Pithoni, Mereki, Tarea;

⁴² na Ahazi, Ahazi nazara Yara, Yara nazara Aremeti, Azimaweti na Zimuri. Zimuri nazara Moza;

⁴³ Moza nazara Binea na Refaya, Refaya nazara Azeli.

⁴⁴ Azeli akaba aina abana b'abojo, amabara gabo nig'aga: Azirikamu, Bokeru, Ishimaeli, Shearia, Obadia na Hanani.