1 Amakuru 8 - Ebibulia 2001

Baijukuru ba Benjamini

¹ Benjamini akazara abatabani batanu: Nazigaija Bela, omushubiro ni Ashibeli, owa kashatu ni Ahara;

² owa kanai ni Noha, kandi owa katanu ni Rafa.

³ Bela niwe alikuzara Adari, Gera, Abihudi;

⁴ Abishua, Naamani, Ahoa;

⁵ Gera, Shefufani na Huramu.

⁶ Aba nibo batabani ba Ehudi; (bakaba bali bakuru b'amahiga gabo, abaturaga Geba mara ahanyuma babatwara Manahati omu buzahe);

⁷ Bonene abo ni Naamani, Ahiya na Gera; Gera niwe Hegilamu, Hegilamu nazara Uza na Ahihudi.

⁸ Shaharaimu omuli Moabu akazaliramu abana b'abojo, orwo yabaire yatambize bakazibe abalimu Hushimu na Baara.

⁹ Abatabani ab'alikuzara ahali Hodeshi mukaziwe ni Yobabu, Zibia, Mesha, Malakamu;

¹⁰ Yeuzi, Sakia na Mirima. Abatabani aba bakaba bali bakuru b'amahiga gabo.

¹¹ Kandi akaba aina abatabani abandi ahali Hushimu, nibo Abitubu na Elipaali.

¹² Batabani ba Elipaali ni Eberi, Mishamu na Shemedi; Shemedi ayayombekire Ono na Lodi n'ebigo byayo.

Ababenjamini aba Gati na Aihaloni

¹³ Beria na Shemaya bakaba nibakulira amahiga agatwire Aihaloni, bakinigyamu abataka ba Gati.

¹⁴ Baijukuru ba Beria abandi ni Ahio, Shashaki, Yeremoti;

¹⁵ Zebadia, Aradi, Ederi;

¹⁶ Mikaili, Ishipa na Yoha.

Ababenjamini aba Yerusalemu

¹⁷ Baijukuru ba Elipaali ni Zebadi, Meshulamu, Hiziki, Heberi;

¹⁸ Ishimerai, Iziria na Yobabu.

¹⁹ Baijukuru ba Shimei bamoiho ni Yakimu, Zikiri, Zabudi,

²⁰ Elienai, Ziletai, Elieli;

²¹ Adaya, Beraya na Shimurati.

²² Baijukuru ba Sheshaki ni Ishipani, Eberi, Elieli;

²³ Abudoni, Zikiri, Hanani,

²⁴ Hanania, Elamu, Antotiya,

²⁵ Ifideya na Penueli.

²⁶ Baijukuru ba Yehoramu ni Shemusherai, Sheharia, Atalia,

²⁷ Yaareshia, Eliya na Zikiri.

²⁸ Bonene aba bakaba bali bakuru b'amahiga gabo omu mizarwa yabo, kandi bashaija abashongore. Hamoi n'abaabo abaturaga Yerusalemu.

Ababenjamini ba Gibea na Yerusalemu

²⁹ Yeyeli ishe Gibeoni yaturaga Gibeoni. Mukaziwe yayetwaga Maaka.

³⁰ Omuzigaijogwe ni Abudoni, aho aijwa Zuri, Kishi, Baali, Nadabu;

³¹ Gedori, Ahio, Zekeri

³² na Mikiloti (ishe Shimea). Aba nabo baturaga na barumuna babo Yerusalemu bataine.

Eihiga ly'Omukama Sauli

³³ Neri niwe ishe Kishi, Kishi nazara Sauli, Sauli nazara Yonatani, Malakishua, Abinadabu na Eshibaali.

³⁴ Mutabani wa Yonatani ni Meriabaali; Meriabaali nazara Mika.

³⁵ Batabani ba Mika ni Pitoni, Meleki, Tarea na Ahazi.

³⁶ Ahazi nazara Yehoada, Yehoada nazara Alemeti, Azimaweti na Zimuri. Zimuri nazara Moza.

³⁷ Moza nazara Binea, Binea nazara Rafa, Rafa nazara Eleasa, Eleasa nazara Azeli.

³⁸ Azeli akaba aina abatabani mukaga, amabara gabo ni: Azirikamu, Bokeru, Ishimaeli, Shearia, Obadia na Hanani.

³⁹ Batabani ba Esheki murumuna Azeli nib'aba: Omuzigaijogwe ni Ulamu, omushubiro ni Yeushi, kandi Elifeleti wa kashatu.

⁴⁰ Batabani ba Ulamu bakaba bali baisherukale emanzi, barashaga emyambi, bakaba baina abana b'abojo bangi n'abaijukuru batali bake, 150. Aba bona bakaba bali Babenjamini.