1 Amakuru 4 - Ebibulia 2001

Baijukuru ba Yuda

¹ Baijukuru ba Yuda ni Peresi, Hesironi, Karimi, Huri na Shobali ishe Reaya.

² Reaya mutabani wa Shobali nazara Yahati; kandi Yahati nazara Ahumai na Lahadi. Aga nigo mahiga g'Abazorati.

³ Aba nibo batabani ba Etamu: Yezireeli, Ishima na Idibashi; akaba aina n'omuhara yayetwaga Hazeleliponi.

⁴ Penueli nazara Gedori, kandi Ezeri nazara Husha. Aba nibo batabani ba Huri omuzigaijo gwa Efurati. Efurati nashuba nazara Betelehemu.

⁵ Ashuri ishe Tekoa, akaba aina abakazi babili: Hela na Naara.

⁶ Naara akamuzalira Ahuzamu, Heferi, Temeni na Hahashitari.

⁷ Hela namuzalira Sereti, Izihari na Etinani.

⁸ Hakosi niwe ishe Anubi na Zobeba, kandi natabukwaho baijukuru ba Ahiriheri eya Harumu.

⁹ Yabezi akaba nakunirwa kushaga abarumuna; nikwo nyina kumweta Yabezi, nagamba ati, “Nkamuzara omu bushasi.”

¹⁰ Yabezi yatakira Ruhanga wa Isiraeli ati, “Waitu ontunge omugisha n'ensi yange ogihanguhye, onyememu n'amani gawe, onyihure omu kabi katangwera!” Ruhanga amutunga ebyo yashaba.

¹¹ Kelubi murumuna Shuha, nazara Mehiri, Mehiri nazara Eshitoni.

¹² Eshitoni nazara Betirafa, Pase na Tehina; Tehina nazara Irinahashi. Baijukuru babo baturaga Reka.

¹³ Batabani ba Kenazi ni Otinieli na Seraya; kandi batabani ba Otinieli ni Hataluhi na Meonotai.

¹⁴ Meonotai nazara Ofura. Seraya nazara Yoabu, Yoabu ishenkuru Abagerashi: Okwetwa batyo kuba bakaba bali babuya.

¹⁵ Batabani ba Kalebu eya Yefune ni Iru, Ela na Naamu. Mutabani wa Ela ni Kenazi.

¹⁶ Batabani ba Yehaleleli ni Zifu, Zifa, Tiria na Asareli.

¹⁷ Batabani ba ezirahi ni Yetheri, Meredi, Eferi na Yaloni. Meredi akashwera Bisia muhara wa Farao, yamuzaraho omwisiki eibaralye Miriamu n'abojo babili Shamai na Ishiba alikuzara Eshitemoa.

¹⁸ Meredi akashuba yashwera omukazi omu ruganda rwa Yuda, yamuzaraho Yeredi ishe Gedori, yamuzaraho Heberi ishe Soko, yamuzaraho na Yekutieli ishe Zanoa.

¹⁹ Hodi akashwera munyanya Nahamu; batabani babo babili nibatabukwaho Abagarumi ba Keila, n'Abamaakati ba Eshitemoa.

²⁰ Batabani ba Shimoni ni Amunoni, Rina, Benihanani na Tiloni. Batabani ba Ishi ni Zoheti na Benizoheti.

²¹ Batabani ba Shela eya Yuda ni Eri ishe Leka, na Laada ishe Maresha. Laada ogu natabukwaho oruganda rw'abashuki ba kitani aba Betiashibea.

²² Nashuba natabukwaho abaturaga Yoki na Kozeba. Nazara na Yoashi na Sarafu abatwaraga Moabu, ahanyuma bakagaruka Lehemu (kyonkai amakuru aga g'eirai muno).

²³ Aba babaga babumbi abaturaga Netaimu na Gedera n'omukama nibamukolera.

Baijukuru ba Simeoni

²⁴ Batabani ba Simeoni ni Nemweli, Yamini, Yaribu, Zera na Shauli.

²⁵ Shauli nazara Shalumu; Shalumu ishe Misibamu, Misibamu ishe Mishima.

²⁶ Batabani ba Mishima ni Hamueli ishe Zakuri, Zakuri ishe Shimei.

²⁷ Shimei akaba aina abatabani ikumi na mukaga n'abahara mukaga, kyonkai abarumuna bakaba bataina bana bangi, handiki ruganda rwabo rwona kukanya nka Bayuda.

²⁸ Baturaga Berisheba, Molada, Hazarishuali,

²⁹ Biliha, Ezemu, Toladi,

³⁰ Betueli, Horima, Zikilagi,

³¹ Betimarikaboti, Hazarisusimu, Betibiri na Shaaraimu. Ebi nibyo bigo byabo kuturuka orwo Daudi yaliire engoma.

³² Ebyaro byabo ni Etamu, Aini, Rimoni, Tokeni na Ashani; bigo bitanu;

³³ hamoi n'ebyaro ebyabaire bizingoire ebigo ebi kugoba Baali. Obu nibwo bwabaire buli buturo bwabo. Kandi abagurusi babo abo batabukiremu bakabahandika.

³⁴ Meshobabu, Yamuleki, Yosha eya Amazia;

³⁵ Yoeli, Yehu eya Yoshibia, Yoshibia eya Seraya, Seraya eya Asieli;

³⁶ Elioenai, Yaakoba, Yeshohaya, Asaya, Adieli, Yesimieli, Benaya;

³⁷ Ziza eya Shifi. Shifi eya Aloni, Aloni eya Yedaya, Yedaya eya Shimuri, Shimuri eya Shemaya;

³⁸ aba abagambwa amabara bakaba bali bagurusi omu bika byabo, mara omu bika byabo ebyo bakahiirwa muno oruzaro.

³⁹ Bagenda bagoba aha butahiro bwa Gedori, n'oburugaizoba bw'oruhanga orwo, nibahiga amalisizo g'entaama zabo,

⁴⁰ bashangayo agarungi agemirege, ensi eli mpango muno, eina obuchulezi n'emilembe, kuba abaturagamu bakaba nibatabuka ahali Hamu.

⁴¹ Aba abahandikwa amabara bakaija omu makiro ga Hezekia, omukama wa Yuda; basilikya amahema gabo, n'Abameuni abashangirwemu, babamaraho kuturuka na kir'eki, batura omu nsi yabo kuba hakazokwamu obulisizo bw'amahyo gabo g'entaama.

⁴² Abandi omuli bonene Abasimeoni bikumi bitanu, bagya aha Ibanga lya Seiri bebembeirwe Pelatia, Nearia, Refaya na Uzieli batabani ba Ishi.

⁴³ Abo basilikya ensigalira z'Abaamaleki abaruhonokireho, bamara batura omwo na kir'eki.