1 Amakuru 25 - Ebibulia 2001

Ab'omuziki ba Rwensinga

¹ Daudi n'abakuru b'Abalevita, bashuba omuli baijukuru ba Asafu, n'aba Hemani, n'aba Yeduthuni, bagira abo bashororamu kuta nibabasha nibatera enanga, eningili n'enkunturo. Amabara g'ababaire nibakora emyoga egyo nig'aga:

² Omuli batabani ba Asafu ni Zakuri, Yozefu, Netania na Asharela. Bakulirwaga Asafu ow'Omukama yabandaga akabasha.

³ Yeduthuni n'abatabani mukaga, abalimu Gedalia, Zeri, Yeshaya, Shimei, Hashabia na Matitia. Bakulirwaga Yeduthuni ishebo ayabashaga natera enanga, nasiima n'okuhaisiliza Omukama.

⁴ Hemani n'abatabani: Bukia, Matania, Uzieli, Shebweli na Yerimoti, Hanania, Hanani, Eliata, Gedaliti na Romamitiezeri, Yokibekasha, Maloti, Hotiri na Mahazioti.

⁵ Aba bona bakaba bali batabani ba Hemani, kaboni w'omukama kuhonderana n'okwo Ruhanga yabaire aragaine kumukuza. Ruhanga akaba atungire Hemani abaana b'abojo ikumi na banai n'abaisiki bashatu.

⁶ Bona bakaba nibaragirwa ishebo aha bikwete eby'omuziiki omuli Rwensinga y'Omukama, nibatera enkunturo, enanga n'eningili orwo babaga bali aha myoga yabo omuli Rwensinga. Asafu, Yeduthuni na Hemani bakoraga nk'okwo Omukama Daudi yabaragiraga.

⁷ Orubara rwabo na barumuna babo babulimu ababaire begesibwe kuhoyera Omukama, ababuya bona hamoi bakaba bali 288.

⁸ Batekaga enshoga kumanya ezamu zabo, omuke n'omuhango, omwegesa n'omwegesibwa kumoi.

⁹ Ekura ya mbere egwera Yozefu ow'eihiga lya Asafu. Ekura ya kabili egwera Gedalia n'abarumuna n'abatabani; bona hamoi bantu 12.

¹⁰ Eya kashatu egwera Zakuri n'abatabani n'abarumuna; bona hamoi bantu 12.

¹¹ Eya kanai egwera Netania n'abatabani n'abarumuna; bona hamoi bantu 12.

¹² Eya katanu egwera Netani n'abatabani n'abarumuna; bona hamoi bantu 12.

¹³ Eya mukaga egwera Bukia n'abatabani n'abarumuna; bona hamoi bantu 12.

¹⁴ Eya mushanju egwera Yesharela n'abatabani n'abarumuna; bona hamoi bantu 12.

¹⁵ Eya munana egwera Yeshaya n'abatabani n'abarumuna; bona hamoi bantu 12.

¹⁶ Eya mwendai egwera Matania n'abatabani n'abarumuna; bona hamoi bantu 12.

¹⁷ Eya ikumi egwera Shimei n'abatabani n'abarumuna; bona hamoi bantu 12.

¹⁸ Eya ikumi n'emoi egwera Azareli n'abatabani n'abarumuna; bona hamoi bantu 12.

¹⁹ Eya ikumi na ibili egwera Hashabia n'abatabani n'abarumuna; bona hamoi bantu 12.

²⁰ Eya ikumi na ishatu egwera Shubaeli n'abatabani n'abarumuna; bona hamoi bantu 12.

²¹ Eya ikumi na inai egwera Matitia n'abatabani n'abarumuna; bona hamoi bantu 12.

²² Eya ikumi na itanu egwera Yeremoti n'abatabani n'abarumuna; bona hamoi bantu 12.

²³ Eya ikumi na mukaga egwera Henania n'abatabani n'abarumuna; bona hamoi bantu 12.

²⁴ Eya ikumi na mushanju egwera Yokibekasha n'abatabani n'abarumuna; bona hamoi bantu 12.

²⁵ Eya ikumi na munana egwera Hanani n'abatabani n'abarumuna; bona hamoi bantu 12.

²⁶ Eya ikumi na mwendai egwera Maloti n'abatabani n'abarumuna; bona hamoi bantu 12.

²⁷ Eya makumi gabili egwera Eliata n'abatabani n'abarumuna; bona hamoi bantu 12.

²⁸ Eya makumi gabili n'emoi egwera Hotiri n'abatabani n'abarumuna; bona hamoi bantu 12.

²⁹ Eya makumi gabili na ibili egwera Gidaluti n'abatabani n'abarumuna; bona hamoi bantu 12.

³⁰ Eya makumi gabili na ishatu egwera Mahazioti n'abatabani n'abarumuna; bona hamoi bantu 12.

³¹ Eya makumi gabili na inai egwera Romamitiezeri n'abatabani n'abarumuna; bona hamoi bantu 12.