ZAKECI 93 - Kemethajüh (N) (Re-editing) Bible (BSI)

Anyiza na Kadimiwa

¹ Apvüwa na kadimiwa. Ma ajenkeben nu kezü pi ma thsümeni sa pvüden. Ayyi tsüpi maben wi zükeqhe ben thsü, nu tsüna paphegheya nben.

² No kadipen tsüna, O Apvüwa, adechhü wina dsadsa ben gho, nu matsü npi kegho wina no ben gho.

³ Atssükedone kedhu na mathu hhai sachi, O Apvüwa; mathu na mathu hhai misikhhali ghamo chi.

⁴ Apvüwa na Kemisintsawa sa nu tang wi kekhang sen ben, atssükedone kaghamo miwi la diki, atssükedone wi atssükullu miwi khangki.

⁵ N-yenthu tsüna anuphan ben den, Apvüwa, nu no Kekinyijjen tsüna ntsakhiwa metha le, anuphan nu anuphanla.