ZAKECI 87 - Kemethajüh (N) (Re-editing) Bible (BSI)

Jerusalem Keseng

¹ Apvüwa na ma nyunutiwa tsüpi kemetha yyishiphon sayadha;

² Ma Israel wi apen kepa miwi Jerusalem nyunutiwa ma nen.

³ Kina lo, Anyiza nyunutiwa, ma no wi amankesathu khi keben ha:

⁴ “Hi mizzatenti ijüh kina ketenthu tsü nyanzhüghu kesa wi Ejipt nu Babylonia manyi la pi saghuden; Filistia, Tur nu Sudan nyithu tsüpi Jerusalem wi kahangthu gweghe siden.”

⁵ Zion wi hati khiden, mizzatentithu tsüdila ciwi na kegho nu Kekhang ntsawa na ma sapi zü cüden.

⁶ Apvüwa na anyi tsüdi nyanzhüghu, nu mathu tsüdi pi Jerusalem nyithu le saghuden.

⁷ Mathu nashü nu akhwisa, “Zion tsüna ithu tsüdi ghena kesawegü bvüwa tsü le.”