ZAKECI 84 - Kemethajüh (N) (Re-editing) Bible (BSI)

Anyiza Jjenwa Kenmvu

¹ Hi khatila no Kekinyijjenwa tsü nen nu! Kekhang ntsawa Apvüwa!

² Hi khatila ciwi tsü ben mvu nu! Hi Apvüwa Kekinyijjen wi keben tsü nmvuden. Hi kahang maben pi inonghe nu akhwi sapi hang kebenwa Anyiza wi chi.

³ Akhükhüthu la mathu ghacen sa yaden, nu aghonithu la mathu jjen na ben yaden; mathu zzathu pila no kekinyipen kete wi chi, Kekhang ntsawa Apvüwa, hi kadimiwa nu iNyiza.

⁴ No Kekinyijjen wi kahangthu na khatila anonghe, nu keshüthangla akhwi sapi no sakiden.

⁵ Zion Yikha wi kijünyi wa mvu ketenthu, nu no wi kezü muya ketenthu na khatila anonghe nu!

⁶ Mathu na atssü nkemi Baka yyiketijü tsü pvüdhi kewa wi, tsüwa tsüna atssükebvüpenthu sa; mapeghe wi tsankegho na tsü pong pi acüceng sa.

⁷ Mathu na wa keten ti zü kayi; mathu na Zion wi acenpvüthu miwi Anyiza tsü muden.

⁸ Hi kekhie kina chilo, Apvüwa, Kekhang ntsawa Anyiza. kina chilo, O Jacob Nyiza!

⁹ Ithu kadimiwa sawegü cülo, O Anyiza, No kessiya kesa kadimiwa tsü.

¹⁰ Ghanan kesü no Kekinyijjen wi keben tsüna apen kepa miwi hazar kesü tughu mehai le; hi gheshighenawa jjen wi hang kesatsü iNyiza jjen jenka wi ngan kebenwa mehai le.

¹¹ Apvüwa na ithu kekhwewa, nu anyankethang kadimiwa, keccaketssü nu kinyikü pi ithu sawegü cülo. No kemeshonwa kuli ketenthu ghena pala kemehai mangla haghe nten.

¹² Kekhang ntsawa Apvüwa, no nondi ketenthu na khatila anonghe nu!