ZAKECI 82 - Kemethajüh (N) (Re-editing) Bible (BSI)

Anyiza Kekhangkesen Kemisi Ntsawa

¹ Anyiza na tangwi kemehu tsü senben; Acenpvüthu na saghu keben witsü ma ajühsüdhe chiden:

² “Nthu atsentsa nkenye wi ajühkaghakhi keten tsü teshi nsathu yishü; Nthu na gheshighena miwi kinan kepapa sa keten tsü teshi nsathu yishü!

³ Ketha-uthu nu magha-maghangthu kemeshon tsü sheipiya; kahhatu nu kekiqa nkemithu tuwi kemeshonwa saya.

⁴ Nkemehai nyi kekhang wina mathu hangshaya.

⁵ ‘Nthu na khatila mangla nchü nu! Mang khatila jüphon nu! Nthu na maghangmeghetha sadha, nu atsentsawa tsü ayyi wi nmi ladha.

⁶ Hi khi, “Nthu na acenpvüthu; nthu tsüdila Kemisintsawa tsathu le.”

⁷ Isala nthu la anyithu ti shüaden; kadingathu ti nthu kahang la asakhen sa den.’

⁸ Gholo, O Anyiza, nu ayyi miwi kekhang senyalo; mizzatentithu tsüdila nji.”