ZAKECI 67 - Kemethajüh (N) (Re-editing) Bible (BSI)

Nkesengcha Khwi

¹ Anyiza, ithu nantizen cülo, nu sawegü pi ithu cülo; keccaketssü wina ithu ghangchilo,

² isanu ayyi maben la no kemeshen chükeyawa salo; isanu mizzatentithu tsüdi no hangshakeya tsü chükeyawa sa.

³ Anyithu tsüdi yala no sengya thsülo, O Anyiza; anyithu tsüdila no sengya thsülo!

⁴ Mizzatentithu yala mathu nonghe, nu kenong khwi saya thsü, kepaghenanye no atsentsa wina anyithu jühkaghaten den, nu mizzatentithu lentsütson den.

⁵ Anyithu tsüdila no sengya thsülo, O Anyiza; anyithu tsüdila no sengya thsülo!

⁶ Ayyiwa na ma bi kejon wwikeya khuchi; Anyiza, ithu Nyiza, sawegü pi ithu cüdha.

⁷ Anyiza na sawegü pi ithu cüdha; apen tsüdi wi anyithu na ma kinyikü ketenwa sa.