ZAKECI 63 - Kemethajüh (N) (Re-editing) Bible (BSI)

Anyiza kenmvu

¹ O Anyiza, no iNyiza le, nu hi no nmvu benle. Hi kahang maben no nmvu ben; ayyi kiqha, kezü nmi nu atssü nkemi tsüti, ighamu na nghena dighe benle.

² Hi ya no Kekinyijjen wi tsü no muya thsülo; no khatila khang nu anyanthang khe hi ya tsü muya thsülo.

³ No ghaliki ketenwa tsüna kahangli miwi mehai, tsalina hi no seng tenle.

⁴ Hi hang keben chu hi no seng den; hi ikwen zanki pi no wi chi nu kekhie sa den.

⁵ Ighamu na mishu nu ma nonkwen yaden, nu hi anonkeghe khwithu sapi no seng den.

⁶ Iwe wi jen keben wi hi no meshenya; ghaja thangthang hi no meshen,

⁷ kepaghenanye no keshüthangla hi kekiqawa. Ngisha kekhwen wi hi inonkeghe khwisa.

⁸ Hi no khenteggüya nu nkwen na hi noncca pi yazishu ben thsü den.

⁹ Hi pathiale kiden kebenthu keshü yyi wi waden.

¹⁰ Aghi wi mathu pathiaben, nu mathu kamang la mishülathu na dsa den.

¹¹ Anyiza khangkeya pi ma kecü ghena, kadimiwa na ma nonghe den. Anyi thowa na Anyiza nyan wina jüh khishichi khe ma seng den, isala milikemesathu pang tsü khen den.