ZAKECI 6 - Kemethajüh (N) (Re-editing) Bible (BSI)

Nkemehai Kekivvü tsüwi Anyiza wi kekhie

¹ Apvüwa, nlebentsu nu hi nkha lalo! Nleben keminu wi kemeten pi hi ncü lalo!

² Hi nantizen cülo, O Apvüwa; hi kekhang nmiladha le! Kezü pi hi cü nenglo; hi keyhadha,

³ nu hi kahang mabenla agüccü ntsa sadha le. O Apvüwa, no hi kiqale kesa matsü khathu hie ben den nu?

⁴ ghola hi hangsha cülo, Apvüwa; no nanketizen ghena keshü wi hi hangsha cülo.

⁵ Kepaghenanye anyi thola keshü yyi wi no meshenya nten; thola ciwi no sengya nben.

⁶ Ileben ketizenkesa ghena hi kekhang nmiladha; aghaja kaghapengla ihacü ca pi iwe ca ben den; inyontssü lle pi amichen tencha ben den.

⁷ Ighinyithu na hi sapi kiqai ghena inyon kepvü na pala mu meyacha ladha.

⁸ Nthu nkemehai kekulithu, hi wina bvülo! Kepaghenanye Apvüwa na hi kiqai kina cüden;

⁹ hi kiqa cülo kesa kekhie tsü ma kina den, nu hi kekhie tsü luneng cüden.

¹⁰ Ighinyithu na nyu nchala kejüghekeya tsü chüyaben; zuli kematen keben wi mathu jügü aben.