ZAKECI 54 - Kemethajüh (N) (Re-editing) Bible (BSI)

Aghinyithu wina Kekhwe kekhie

¹ No kekhang wina hi hangsha cülo, O Anyiza; No kekhang wina hi lisha cülo!

² Hi kekhie kina cülo, O Anyiza; Ijühthu kina chilo!

³ Anyi kekapvüthu na hi matang gho tendha; kedeggü nyi na hi pathiale kiden bendha, anyi Anyiza nkhichi ketenthu.

⁴ Isala Anyiza na hi kekiqawa. Apvüwa na ighikehiewa.

⁵ Anyiza na ighinyithu nkemehai tsüdi pi mathu meten-mesha kecüwa sa. Ma mathu yasa cüden kepaghenanye ma atsentsa sen keten ghena.

⁶ Hi kenong sala ahhansha sapi no cüden, O Apvüwa; hi nkesengcha sapi no cüden kepaghenanye no mehai.

⁷ No igükeccü tsüdi wi hi hangsha cü, nu hi ighinyithu na nyu nkecha tsü muyadha.