ZAKECI 43 - Kemethajüh (N) (Re-editing) Bible (BSI)

Kushiyyi wi keben Nyiwa kekhie

¹ O Anyiza, hi nsazzi le kesa khichilo, nu Anyiza nkechüthu na hi keshun wi isheipi cülo; milikemesa nu anyi nkemehaithu wina hi khushi cülo!

² No hi kekhwewa; no mangkesa hi teshidha nu? mangkesa ighinyithu leben ketsu wi hi ketizensa ben nu?

³ No kewegü nu atsentsawa kesun chilo; tsüthu ya hi ssi nu kheneng hi ssigho no kemetha yyishiphon Zion nu na hang ketenpen kekinyijjen wi chi kecüwa salo!

⁴ Isathu hi no kekinyipen wi tsü waden, O Anyiza; na inonkeghe bvüwa le. Hi harp khou nu kesengkhwi sapi no wi chiden, O Anyiza, iNyiza.

⁵ Hi mangkesa na ihathana ntsa ben nu? mangkesa na hi ketizensa ntsa ben nu? Hi kaghang pi Anyiza miwi chiden, nu kheneng hi ma seng den, hi hangshawa nu iNyiza.