ZAKECI 4 - Kemethajüh (N) (Re-editing) Bible (BSI)

Minulen wi kekiqa kekhie

¹ Hi kekhie sa kechi wi luneng cülo, O Anyiza, ighikehiewa! Ileben gükeccü wi, no hi kiqa cü. Hi nantizenchi nu hi kekhie yacülo.

² Nthu na mang khathu hi kimenni le ben nu? Nthu na mang khathu kaghacangwa ghali, nu milikemesawa senniele ben nu?

³ Apvüwa na ketsatanthu kessi pi ma ji sayadha kesa nthu chüyalo, nu hi kekhie sa kechi wi ma hi kekhie yacü den.

⁴ Nleben tsu lela nsami lalo; isala nwe wi jen keben wi nleben ketsü, nu meshen kaketsü sa chilo.

⁵ Atsentsa hhansha kekinyi sapi Apvüwa wi chilo, nu no kenondi pi ma miwi chilo.

⁶ Anyi kejon na khie: “O Apvüwa kesawegü ji kayi pi ithu cülo, no keccaketssü wina ithu ghangchilo!”

⁷ Isala no anonkeghe pi ileben pong kecüwa tsüna mathu na kedsakejjü kejon keben ghena mathu nonghe keben miwi la jiki.

⁸ Hi ilebencca nu jenya mehaidha; O Apvüwa, no ketan, hi noncca pi kemessi nkemi pen wi chi cüden.